JIRIMIA 3:2 - Tanou Moonsoi Timugon

² Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

JIRIMIA 3:2 Iomraidhean Croise

KASAUKAN 38:14

Aligi' no bayang napuor ondo' binayang nano, am silii' no bulos nano ra rondo' rundung. Ongoi io boo panturung ra kulobon garabang ru bandar Inaim, ondo' sasailan mongoi ra Timna. Napandayan ri Tamar ra anak pupusan ri Jiuda iono i Syila nasukor noyo. Kabalu' pana raginio kalo poyo pinagandu' io ru iwan nano ri Syila.

1 RAJA'-RAJA' 11:3

Nanangandu' Raja' Salomo ra tulu' ngaatus ngaulun anak ruandu' ru raja' am mokoondo' ra talu ngaatus ngaulun ruandu' parulug. Ilo no nangkinibit ra Raja' Salomo nangiruan ri Aki Kapuuno',

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

MAZMUR 106:38

Potoyon nilo anak-anak ondo' kolondo' sala, saboi pagun no jinamol ru pampatayan no.

AMSAL 23:28

Maginaa ilo ramuyun koson ra mantatakou am mangkinibit ra masuang ungkuyon lumapau.

AMSAL 7:11

Kalo totomolon no ra io mindagu am kalo mauyu'. Kalo mokosoloro' io migor,

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 2:23

Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

JIRIMIA 2:7

Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 3:9

am kalo toojo mauyu'. Jinaka' no pagun am nansawa' sabap ra sumamba ra batu am puun tataun.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

YEHEZKIEL 16:16

Binungaan mu intok sambayangan muno ra bayang muno, am koson ra ruandu' mantalan ra inan pinataak mu inan muno ra moonong ulun.

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

GOSIA 2:5

Ginio ra manginsur Aku riso ra bulungkut makaruui am ampangin ralan nano ra timbok.

LUKAS 16:23

Liliwa' io imboloon giu' ra naraka, nantingaa' io ra rasawat am nakito no intor ra maalur i Abragam am i Lajarus nagumbir.

SAGULION 12:2

Giu' ra tana' ondo' ayanin min, pusoo' noyo ngaangai' intok sambaan ra dewa giu' ra rasawat ru gunung ondo' masawat, am giu' ragana' ru tataun masansam, intok ru bansa' ondo' minayan ra giu' no sumamba ra tuhan-tuhan nilo.