JIRIMIA 22:3 - Tanou Moonsoi Timugon

³ “Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 22:3 Iomraidhean Croise

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

AYUP 22:9

Sala' ka ayuk marara' kou mangindangan ra ruandu' napuor, kaa' okou niayuk nangimbolo' ra anak nailusan ra matuo.

AYUP 24:9

Ulun malaat mangulipon ra anak-anak ondo' nailusan ra ama', am nangalap ra lalagang ru ulun musikin koson ra jaminan.

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

MAZMUR 82:4

Bayago' ilo no intor ra kuasa' ru ulun malaat.

MAZMUR 94:21

mampapakat ilo tumula' ra ulun moonsoi, am ukumin nilo potoyo' ulun ra kolondo' sala.

MAZMUR 94:6

Potoyon nilo ulun napuor am ilo ondo' kolondo' matuo, am niayuk ulun suai ondo' minayan ra pagun mai.

KAINGKUALAN 22:21

“Pai' kalaat am pai' ulipono' ulun bansa' ru bokon; karaa', galing i akau pana ulun bansa' ru bokon giu' ra pagun ru Misir.

KAINGKUALAN 22:22

Pai' kalaat ra napuor kapoam anak nailusan ra matuo.

AMSAL 23:10

Pai' pabandingo' bait ru tana' ondo' nakalair am pai' gaawo' tana' ru anak nailusan ra matuo.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

JIRIMIA 19:4

Baalon Ku gitio sabap ra bansa' ragitio nangiruan noyo Raki'. Nampajamol ilo ra intok ragitio ra nampataak ra taak simbalui ra dewa-dewa ondo' kalo nauligan nilo, kinamatuaan nilo, am raja'-raja' ru Jiuda. Tinotop nilo intok ti ra raraa' ru ulun ondo' kolondo' sala.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 26:16

Tingganai-tingganai am mamagun pana minindagu boo risilo imam am nabi no, “Ulun ragitio minindagu ra ralalom inggalan ru Tuhan, i Aki Kapuuno' takau; musiti' io ukumin ra matoi.”

JIRIMIA 5:28

am niayuk molomok am moonsoi bayag. Kalaatan nilo kolondo' polos. Kalo mangindangan ilo ra anak nailusan ra matuo, am kalo matimpok ra ulun inimbolo'.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

SULABOI 3:36

paat ra katimpakan patumbalikon, maaru' Tuhan makapandai raginio.

YEHEZKIEL 18:12

Mamparuung io ra ulun musikin, mantakou, am kalo mampasaguli' ra kuliamos ondo' inapu no koson ra jaminan ra irain. Mongoi io ra kuil-kuil am sumamba ra sinungkalalaing ondo' makauyuyu',

YEHEZKIEL 18:7

Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

YEHEZKIEL 45:9

Indagu Tuhan Raja', “Akau ngaangai' ondo' mamarinta ra Israil, makatula kano ra nabuoi noyo. Langgai' pangimbalaan am binaal ondo' malaat. Baalo' ondo' motopot am matimpok. Totopot pai' boo pagiruo' ulun Kuno intor ra tana' nilo. Aku, Tuhan Raja' nakaindagu noyo ramuyun.

JOIL 3:19

Misir masauk ra tana' kaagisan, am Idom masauk ra tuntur ru nalunsai, sabap ra namulunsar ilo ra Jiuda am namatoi ra mamagun nano ondo' kolondo' sala.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

AMOS 5:24

Kaa', pirot kano maa' raginio katimpakan tumilis koson ra sungoi, am kabanisan ru guang tumilis koson ra timug ondo' kalo igondo' mapua'.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

SAGULION 24:7

Osoi ondo' mantakou ra ulun ra gino ngai' ulun ru Israil, am napasauk ra ulun no ra ulipon nano, kapoam nantalan riso koson ra ulipon, ulun mantakou ra ulun no musiti' ukumin ra matoi. Koson raginio noyo ra akau namuso ra kalaatan raginio.

SAGULION 25:1

“Amon ru ruo ngaulun ru Israil mongoi ra makama koson manalasai ra pansangaran, am sangulun napandayan ra kolondo' sala am sangulun poyo napandayan ra makasala.

SAGULION 27:19

“ ‘Kaulas noyo ulun ondo' tumalingaau ra kaapuan ru ulun bansa' ru bokon, anak nailusan ra matuo am napuor.’ “Ngaangai' ulun tumaam ra, ‘Amin!’

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.