JIRIMIA 17:3 - Tanou Moonsoi Timugon

³ am giu' ra rasawat ru gunung-gunung giu' ra liwar ru bandar. Susubon Ku pantula' mino magaut ra ngaangai' rapu' am kalangkayaan mino, sabap ra ngaangai' tula ondo' binaal min giu' ra titikop pagun.

JIRIMIA 17:3 Iomraidhean Croise

JIRIMIA 15:13

Indagu Tuhan raki', “Mangator Aku ra pantula' koson magaut ra kalangkayaan am kuliamos ru ulun Kuno koson ra ukuman ra tula ondo' binaal nilo giu' ra titikop pagun.

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

2 RAJA'-RAJA' 24:13

Kuliamos giu' ra Baloi ru Tuhan am istana inibit ru Raja' Nibukadnijar ra Babil. Koson ra ondo' rinagu noyo ru Tuhan, inumok ru Raja' Nibukadnijar ngaangai' kuliamos mas ondo' binaal ru Raja' Salomo ondo' pinakai giu' ra Baloi ru Tuhan.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

YEHEZKIEL 16:39

Pataakon Tokou risilo, am lunsayon nilo intok-intok pantalanan muno ra inan am niayuk sumamba ra sinungkalalaing. Gaawon nilo bayang am limpor muno, saboi magibaang kou.

YEHEZKIEL 6:3

Susubo' gunung-gunung ru Israil rumongog ra ragu ru Tuhan am magilong ra baal ondo' paraguon Kuno, Tuhan Raja' ra gunung, bulur, tana' marata' ra lolot ru gunung-gunung am limayak. Atarin Ku ilang koson mamuso ra intok-intok sumamba ra sinungkalalaing.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

JIRIMIA 20:5

Polosoon Ku pantula' nilo manalingaau am magaut ra ngaangai' kalangkayaan ru bandar ti am niayuk ngaangai' rapu' longgom nano poongoyon ra Babilonia, am poyo rapu' tungkuson ru raja'-raja' ru Jiuda.

JIPANYA 1:13

Rapu' nilo gaawon am baloi nilo pusoon. Manambaloi ilo, kaa' kalo makaayan raginio. Mangandoi ilo ra umo ru anggur kaa' kalo manginum ra wain, ampos ru umo no.”

JIRIMIA 21:13

Kopongo raginio indagu Tuhan ra Jirusalim, “Okou Jirusalim! Intok muno masawat poyo intor ra limayak ra liliut muno. Koson kou ra bulur batu masawat giu' ra tana' marata', kaa' anggalon Tokou. Minindagu kou ra kolondo' sangulun pana makapamulunsar rirun kapoam makasubol ra kubu-kubu muno.

YEHEZKIEL 23:46

Indagu Tuhan Raja', “Piawo' santimungan ulun koson mampalalaa' am mantakou risilo.