5 “Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”
Bulintok ra bungul-bungul kuno sinauk, am matuyu' nangatangan Muno ra ralalom ru binunakan ru ina' kuno, liliwa' ra aku tumuu' ra giu' no ondo' kabalu' pana masibuni, mapandayan Mu ra aku soroi ra giu' no.
Indagu i Musa ra Tuhan, “Topot ra nanusub Kou raki' maningganai ra ulun ragitilo mongoi ra tana' ondo' binantu' Muno, kaa' kalo nambala' Kou raki' ra osoi susubon Muno maya' raki'. Minindagu Kou ra makaulig Kou raki' ra matanda' am niayuk maansayan raki'.
Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.
Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”
Ukumin Ku Babilonia ra ngaangai' karaat ondo' inatang Kuno koson palumpaan ra bansa'-bansa' paat ra Aku minindagu ondo' pinabala' galing ri Jirimia, iono ngaangai' karaat ondo' tinulisan ra ralalom ru kitab ti.
“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.
Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.
Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.
Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.