JIRIMIA 1:1 - Tanou Moonsoi Timugon

¹ Kitab ti mokoondo' ra ragu-ragu ri Jirimia anak ri Ilkia, sangulun ra imam intor ra bandar Anatot giu' ra wilayah Binjamin.

JIRIMIA 1:1 Iomraidhean Croise

1 RAJA'-RAJA' 2:26

Kopongo raginio indagu Raja' Salomo ra Imam Abiatar, “Uli' no ra intok namagunan muli giu' ra Anatot. Sotopot no okou ti ukumin ra matoi, kaa' kalo mangukum aku raginio rirun raino, sabap ra paat okou lakat poyo nabaya' ra ama' kuno, nagalung kou ra Kaban Nabantuan ru Tuhan, am nakaaya' kou naimbolo' nabaya' ra ama' kuno.”

1 TUNUNG RU BANSA' ISRAIL 6:60

Giu' ra wilayah ru bansa' ru Binjamin nakaalap ilo ra bandar-bandar ragitio nabaya' ra padang sakot giu' ra liliut ru bandar: Giba, Alimit am Anatot. Suang ringai' no mopor am talu bandar koson ayanan ru sasambaloi nilo.

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

2 TUNUNG RU BANSA' ISRAIL 36:12

Raja' Jidikia makatula ra Tuhan, am marara' minggana' guang koson rumongog ra Nabi Jirimia, ondo' nampasaboi ra ragu ru Tuhan.

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

JISAYA 1:1

Suang ru buuk ragitio napatanou intor ra Jiuda am Jirusalim ondo' pinabala' ri Aki Kapuuno' no ri Jisaya anak ri Amos, bulintok ra Raja' Ujia, Raja' Jotam, Raja' Agas am Raja' Gijkia namarinta ra Jiuda.

JISAYA 10:30

Golok kano, alii ra mamagun ru Galim! Rongogo' noyo, alii ra mamagun ru Laisya! Taam kano, alii ra mamagun ru Anatot!

JISAYA 2:1

Gitio noyo tanou intor ri Jiuda am Jirusalim ondo' tinaakan ri Aki Kapuuno' ri Jisaya anak ri Amos:

JIRIMIA 11:21

Mamagun ru Anatot mompogogot ra aku matoi. Konilo, “Amon ru rayuson mu mampatanou ra tanou ru Tuhan, potoyon mai okou.”

JIRIMIA 29:27

Kua kalo sinawai mu i Jirimia ulun ru Anatot no, ondo' siminauk ra nabi ra gino ngai' ru bansa' takau?

JIRIMIA 30:1

Tuhan, i Aki Kapuuno' ru Israil,

JIRIMIA 37:12

Ginio ra iniruanan ku Jirusalim am minongoi ra wilayah Binjamin koson mangapu ra tinungkus kuno intor ra matuo kuno.

YEHEZKIEL 1:3

Giu' ra pagun Babilonia, giu' ra kiing ru Sungoi Kibar, nokorongog aku ra Tuhan minindagu raki', am nakaliman aku ra kuasa' Nano.

DANIL 9:2

Paat ra bilor kasaa' ra pamarintaan nano, nambasa' aku ra buuk kitab. Nampaguang aku toojo ra baal ru bandar Jirusalim ondo' nasauk ra tuntur nalunsai buoi tulu' ngoopor ngambilor, koson ondo' rinagu ru Tuhan ri Nabi Jirimia.

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

AMOS 7:10

I Amajia, imam giu' ra Bitil, nangator ra pabalaan ti ra Raja' Jirobiam intor ra Israil, “I Amos tatanga' maguguum ra mamagun koson manggal rirun raja'. Ragu-ragu nano ondo' nanusuk ra mamagun mangkinibit ra pagun ti matutuk.

MATIUS 16:14

Taam ilo, “Mokoondo' mindagu i Juanis Mampariu'. Mokoondo' niayuk mindagu nabi Ilia. Bokon poyo mindagu nabi Jirimia kapoam sangulun nabi ra bokon.”

MATIUS 2:17

Koson ragitio nasauk noyo ragu ru nabi Jirimia,

MATIUS 27:9

Kon raginio boo masauk bala' ondo' pinasaboi ri nabi Jirimia, kono, “Alapon nilo ruit pirok talu ngoopor i, ginio logo inaru' ru ulun ru Israil pambayar ra ulun nampataak ri Jisus i.