JAKUBUS 5:9 - Tanou Moonsoi Timugon

⁹ Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.

JAKUBUS 5:9 Iomraidhean Croise

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

MAZMUR 59:15

Bulintok ra palunggai' pantula'-pantula' kuno mamaguli', maguang koson ra uku' bulintok lumiput ra bandar.

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

MATIUS 24:33

Koson niayuk paat ra makito min ngaangai' baal ragitio, napandayan min orou nano mamaar noyo kapoam tumalimpuun ra mataki'.

MARKUS 13:29

Mogondo' niayuk amon ru makito min baal raginio masauk, mapandayan min ra maar noyo kaga' ratangan nano.

MARKUS 6:19

Ginio sabap ra malikokot i Irodias ri Juanis am mangatang io koson mamatoi ri Juanis, kaa' kalo maalap, sabap ra raja' Irodis malaa' ri Juanis ra i Juanis ti sangulun moonsoi ondo' sinusub ri Aki Kapuuno'. Ginio ra raja' Irodis mangampin riso. Maansayan io mangkirongog ra pangilaan ri Juanis, kabalu' pana ragu ri Juanis makaimamang toojo riso.

1 KORINTUS 10:11

Ngaangai' no nasauk risilo koson alapon ra panginuuyan ra ulun bokon. Ngaangai' no tinulisan niayuk koson rondo' pampakaraan ritakau, ondo' raino maayag ra paat ra pamupusan ru tana' ti.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

GALATIA 5:14

Ngaangai' suang ru Ukum ri Musa no sinimpung kariwaa' ra rondo' ayuk panusuban, iogitio: “Kotogom no ra ngaangai' ulun koson okou monogom ra inan muno galama'.”

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

JAKUBUS 4:12

Kaa' sotopot no rondo' ayuk ondo' nambaal ra Ukum am poyo makapangukum ra ulun, Io no i Aki Kapuuno'. Am Io ti ayuk ondo' makapamayag am mamatoi ra ulun. Ginio ra, osoi kia akau ti, suku' ra makakau' kau magasab ra pabukat min ra Kristian?

JAKUBUS 5:10

Pabukat kau ngai', karaa' min noyo nabi-nabi ondo' nampasaboi ra bala' ru Tuhan ra galing i. Mataan guang am noorot nilo paat ra nakatuum ra kaimbalaan. Ilo ti noyo alapon min ra tiluan moonsoi.

JAKUBUS 5:7

Sabap raginio, pabukat kau ngai', kataan kano saboi Tuhan no matong saguli'. Karaa' min noyo sangulun nanangumo; ati koson guang mataan nano ra io maginaa ra ampos ondo' lansanin nati toojo. Mabaya' ra guang mataan maginaa io ayuk ra rasam.

1 PITRUS 4:5

Kaa' tauli no, ilo galama' mampataam ri Aki Kapuuno' intor ra binaal nilai, ondo' nakatampos Io noyo mangakim ra ulun naayag am poyo ulun-ulun namagatoi.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.