JAKUBUS 5:8 - Tanou Moonsoi Timugon

⁸ Moonsoi ru akau pana mataan am pai' kano kalawo guang, sabap ra orou ratangan saguli' ru Tuhan mamaar noyo.

JAKUBUS 5:8 Iomraidhean Croise

KASAUKAN 49:18

“Maginaa aku ra pamayagan Muno Tuhan.

MAZMUR 130:5

Magiginaa aku ra pangindanganan ru Tuhan, am malansan ra ragu Nano.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

MAZMUR 37:7

Pai' kalingas maginaa ra Tuhan, inaani' noyo am oroto' guang suku' ra Io mingkuor. Pai' kalasu' guang sabap ra ulun langkaya', kapoam sabap ra ilo ondo' masaga' mamparuung.

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

LUKAS 21:19

Musiti' kau mokoorot am mokoowot kau boo ra kaayagan motopot.”

JUANIS 21:22

Taam i Jisus riso, “Amon ru masaga' Aku ra maayag io saboi ra Aku matong saguli', kua kaimamang kou raginio? Kaa' okou baya' no Raki'.”

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

PILIPI 4:5

Pakitono' min noyo kinoonsoi ru guang mino ra ngaangai' ulun, sabap ra mamaar noyo Tuhan sumaguli'.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

1 TISALONIKA 2:19

Akau no toojo kalansanan am kaansukan mai. Sabap ra paat ra ratangan saguli' ru Tuhan Jisus ra tumuum takau Riso, akau no sasaban ru paringkuanangan maino.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

2 TISALONIKA 3:5

Gama' ru Tuhan mampaintutun poyo ramuyun ra togom ri Aki Kapuuno' am poyo ati kulaan i Kristus mangani' ramuyun ra guang mataan.

JAKUBUS 5:3

Mas am pirok mino monontogol, am togol ti boo koson ra sasi' ondo' manguu' ramuyun. Kumokot io ra inan mino koson ra apui, sabap ra nanimung kau ayuk ra kalangkayaan ru tana' ti, kabalu' pana mamaar noyo pamupusan.

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

PINAINTALANG 22:20

Io ondo' mampasaboi ra ngaangai' kaintutunan ti mindagu, “Motopot, kalo boo mabuoi am matong Aku.” Amin! Ratong no, Tuhan Jisus!