JAKUBUS 5:6 - Tanou Moonsoi Timugon

⁶ Nangukum am namatoi kau ra ulun ondo' kolondo' sala, am kalo manggal ilo ramuyun.

JAKUBUS 5:6 Iomraidhean Croise

JISAYA 5:23

Kaa' bulintok ra akau aniin ra rasua kabalu' pana sanganu ayuk, makatampos kano mapalabus ra ulun makasala, am niayuk mongompong ra ulun ondo' kolondo' sala mangapu ra katimpakan.

JISAYA 53:7

Malaat kaga' pinamakuan riso, kaa' inorot no ayuk. Kalo sambangis pana ragu nano koson ra anak ru domba inibit ra panimbaluyan kapoam indung ru domba sinukur bulu nano.

MATIUS 21:38

Kaa' paat ra ulun-ulun naniwa' i nakakito ra anak ru tatangan ra umo ti, pagindagu ilo ngaangai', ‘Io gitio anak ru tatangan ra umo ti. Ibok, potoyo' takau io, maa' raginio makaalap takau ra tungkuson nano!’

MATIUS 27:20

Kaa' tingganai-tingganai imam Jaudi am tingganai-tingganai ru ulun ru Jaudi nanusuk ra ulun masuang maa' raginio i Barabas palabuson am i Jisus ukumin ra potoyon.

MATIUS 5:39

Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

RINALATAN 8:32

Gitio noyo ondo' binasa' nali, ioginio: “Koson Io ra domba ondo' potoyon; koson ra anak domba mongkoror paat ra lamparin ra bulu; koson niayuk Riso, kalo minindagu Io.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”

JAKUBUS 2:6

Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama?

JAKUBUS 4:2

Mansalinut gogoton min, kaa' ra io kalo moowot min, makimampatoi kau boo. Maayo toojo guang min sumolon ra atan ayuk, kaa' ra io kalo masuku' min kaalap, ginio boo puun ra akau makimantaam am makimansangor ti. Kalo noyo makaalap kau ra atan ayuk pana, sabap ra kalo makiasi' kau ri Aki Kapuuno'.

1 PITRUS 4:18

Koson tinulisan noyo ra Buuk Kitab; “Amon ru mapagon ra ulun moonsoi bayagon, mulu' poyo mapagon ra ulun makatula ondo' kalo makaulig ra Tuhan!”