JAKUBUS 5:17 - Tanou Moonsoi Timugon

¹⁷ Koson ra nabi Ilia ra galing i, ulun io ayuk toojo mogondo' ritakau. Kaa' nakiasi' io toojo koson kalo parasamon, am totopot rasam no kalo noyo riminatu' buoi talu ngambilor naintanga'.

JAKUBUS 5:17 Iomraidhean Croise

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 18:1

Kalo nabuoi raginio, paat ra bilor katalu ru tampio no, indagu Tuhan ri Ilia, “Ongoi no uma' ra Raja' Agab sabap ra mampatuun Aku ra rasam.”

LUKAS 4:25

Balain takamin: Bulintok ru Nabi Ilia ra galing i, mokoondo' tampio buoi talu ngambilor am naintanga' ra ngaangai' pagun. Paat ragili bitilan giti ra pagun Israil am masuang napuor.

RINALATAN 10:26

Kaa' pabigoro' io ri Pitrus am indagu, “Sukal no! Aku ti pana am ulun niayuk.”

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

ROMA 11:2

Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono,

PINAINTALANG 11:6

Mokoondo' ilo ra kuasa' mangangob ra limbowon ti saboi kalo boo rumasam buoi ilo mampabala' ra tanou intor ri Aki Kapuuno'. Mokoondo' ilo niayuk ra kuasa' ra ngaangai' taur ru timug, koson makapangulau ra timug no masauk ra raraa'. Mokoondo' ilo niayuk ra kuasa' mambaal ra nansalinut kapaganan malaat ra tana' sasanggilan ayuk maya' ayuk ra kasagaan nilo galama'.