JAKUBUS 5:16 - Tanou Moonsoi Timugon

¹⁶ Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

JAKUBUS 5:16 Iomraidhean Croise

KASAUKAN 19:29

Kaa' paat ri Aki Kapuuno' namuso ra bandar-bandar raginio am limayak ondo' inayanan ri Lot, nakakara' Io ri Abragam am pangindangan Io ri Lot nagiru'.

KASAUKAN 20:17

Sabap ra ondo' nasauk ri Sara, andu' ri Abragam, binaal ru Tuhan ra tabanang moonong ruandu' ra istana ri Abimilik. Pakiasi' boo i Abragam ri Aki Kapuuno', am babaso' ri Aki Kapuuno' i Abimilik, andu' nano am ngaangai' ulipon ra ruandu' saboi maganak ilo poyo.

KASAUKAN 20:7

Kaa' raino pasagulio' io ra ralaki nano. Ralaki nano sangulun nabi am io makiasi' rirun maa' raginio kalo matoi kou. Kaa' amon ru kalo pasagulion mu, pakaraan Tokou matoi kou am niayuk ngaangai' mamagun muno.”

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

2 SAMUIL 19:19

am indagu, “Makiampun ra raja' kuno, makitaak aku amon ru lilianin mu kasalaan ondo' binaal kuno paat ra okou nangiruan ra Jirusalim. Pai' noyo karaa' ra lakat aku poyo makasala, am pai' noyo karaa' baal raginio.

1 RAJA'-RAJA' 13:6

Indagu Raja' Jirobiam ra nabi no, “Pakiasi' noyo ra Tuhan, i Aki Kapuuno' muno ra bala kuno, am kitaako' noyo maa' raginio mamabas Io ra longon kutu!” Pakiasi' nabi no ra Tuhan, am longon ru raja' no binabas.

2 TUNUNG RU BANSA' ISRAIL 30:20

Iniou ru Tuhan pakiasian ru Raja' Gijkia am nangampun ra ngaangai' ulun no am kalo nangukum risilo.

AYUP 42:8

Raino ibito' tulu' ngainan sapi' gawayan am tulu' ngainan domba gawayan ri Ayup, am pataako' ngaangai' no koson ra taak simbalui koson mapabansuk ra guang Kuno, sabap ra kaatangan ru inan min. Makiasi' i Ayup ra tayar min, am iowon Ku pakiasian nano. Aku pana kalo boo manauyu' ramuyun kabalu' pana musiti' kau mangapu ra ukuman. Kalo mindagu kau ra motopot intor Raki' koson ra binaal ri Ayup.”

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

KAINGKUALAN 17:11

Buoi ri Musa nangakat ra kalindu' nano, mamanang ulun ru Israil, kaa' makatuun kalindu' nano, tumalimpuun mamanang boo ulun ru Amalik.

KAINGKUALAN 9:33

Iruani' boo ri Musa raja' am ongoi ra liwar ru bandar. Giu' no nakiasi' io ra Tuhan am nangakat ra longon, longgo' boo tingkalur, rasam batu am rasam.

AMSAL 15:29

Rongogon ru Tuhan pakiasian ru ulun moonsoi, kaa' kalo lioon No ulun malaat.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 28:9

Amon ru kalo gumagaya' kau ra ukum, i Aki kapuuno' pana mataman ra pakiasian muno.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

JIRIMIA 42:2

Indagu ilo raki', “Pangindangan no ra iowo' kitaakon mai. Pakiasi' no ra Tuhan, i Aki Kapuuno' takau ra bala mai. Pakiasi' no ra bala mai ngaangai' ondo' naayag. Ragili masuang akai, kaa' raino ilai' noyo, kalo boo masuang akai.

UNTABAN 11:2

Pampiau ulun ru Israil ra makiindangan ri Musa, am pakiasi' io ra Tuhan, am liminasa' boo apui no.

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

MARKUS 1:5

Masuang ulun intor ra Judia am bandar Jirusalim minongoi pangkirongog ri Juanis am liliwa' nilo nangakun ra tula nilo, riwon ilo ra Sungoi Jordan.

LUKAS 9:6

Ugar maamaya' ri Jisus am ongoi ilo ra moonong pamagunan mampabala' ra Tanou Moonsoi am mamabas ra ulun marualan ra ati ayuk nasukuan nilo.

JUANIS 9:31

Nakapandai takau ra kalo rongogon ri Aki Kapuuno' ulun makatula. Ondo' ayuk iowon ulun ondo' mangurumat Riso am niayuk mambaal ra kasagaan Nano.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 19:18

Masuang ulun ondo' raino ti mangintopot ri Jisus nangiou ra saang ru ulun masuang ra kalaatan ondo' binaal nilo ragili.

RINALATAN 8:24

Indagu i Simon ri Pitrus am i Juanis, “Indangano' min aku makiasi' ri Aki Kapuuno' koson kalo matiu' aku ra atan ayuk ondo' rinagu min ra raitii' ni.”

ROMA 3:10

Koson ra tinulisan ra Buuk Kitab; “Kolondo' sangulun motopot ra pagilangan ri Aki Kapuuno',

ROMA 5:19

Am poyo intor ra sangulun kalo giminagaya' ra susuban ri Aki Kapuuno' ngaangai' ulun makatula. Koson niayuk intor ra binaal ru sangulun ondo' giminagaya' ra susuban ri Aki Kapuuno', ulun mobonsoi saguli' Riso.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

1 TISALONIKA 5:17

am pakiasi'.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

1 TISALONIKA 5:25

Pabukat ku ngai', karaa' min niayuk akai ra pakiasian min.

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

IBRANI 12:13

Parayus kano baya' ra ralan mabanis am pangindangan ra bokon, koson ra ulun pakira' no kalo masilik, kaa' mapali' boo.

IBRANI 13:18

Kasalok kano pakiasi' ri Aki Kapuuno' ramon. Mangintopot akai ra bolos ru guang mai no mapasau, sabap ra mirot akai mambaal ra motopot ra ngaangai' baal.

JOSUA 10:12

Paat ra orou ru Tuhan napamanang ra ulun ru Israil ra ulun ru Amori, minindagu i Josua ra Tuhan. Giu' ra saang ru ulun ru Israil indagu i Josua, “Okou mato ru orou, uog noyo giu' rasawat ru Gibion. Okou sila', uog noyo giu' rasawat ru Limayak Ayalon.”

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.

1 SAMUIL 1:12

Nabuoi kaga' i Ana nakiasi' ra Tuhan, am buoi raginio inilayan ri Ili kabang ri Ana.

1 SAMUIL 12:17

Raino sala' ka kia bulintok ru tampio? Kaa' makiasi' aku, am patuunon ru Tuhan no tingkalur am rasam koson ra taaman ru pakiasian kuno. Paat ra baal raginio masauk makaliman kau boo ra mapara' gayo ru tula mino ra Tuhan sabap nakitaak ra sangulun raja'.”

1 SAMUIL 12:18

Kopongo raginio pakiasi' i Samuil, am paat ra orou raginio niayuk napatuun Tuhan ra tingkalur am rasam. Ginio ra moonong ulun no nalaa' ra Tuhan am i Samuil.