JAKUBUS 5:10 - Tanou Moonsoi Timugon

¹⁰ Pabukat kau ngai', karaa' min noyo nabi-nabi ondo' nampasaboi ra bala' ru Tuhan ra galing i. Mataan guang am noorot nilo paat ra nakatuum ra kaimbalaan. Ilo ti noyo alapon min ra tiluan moonsoi.

JAKUBUS 5:10 Iomraidhean Croise

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

JISAYA 39:8

Raja' Gijkia mangkara' ra buoi ru bayag nano, pamarintaan nano kalinuos ayuk am moonsoi ayuk. Ginio ra taam raja', “Ragu ru Tuhan ondo' posoboyon muno moonsoi.”

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 23:22

Amon ru nakapandai ilo ra atan soroi ralalom ru pangkaraan Kuno, maaru' mampatanou ilo ra tanou Kuno ra ulun Kuno. Koon raginio ulun Kuno lumonggo' mambaal ra tula am mambaal ra ondo' malaat.

JIRIMIA 26:16

Tingganai-tingganai am mamagun pana minindagu boo risilo imam am nabi no, “Ulun ragitio minindagu ra ralalom inggalan ru Tuhan, i Aki Kapuuno' takau; musiti' io ukumin ra matoi.”

LUKAS 13:34

Jirusalim, Jirusalim! Namatoi kou ra nabi-nabi am binobol mu ra batu ulun ondo' sinusub ri Aki Kapuuno' mongoi rirun! Ingkula' Aku noyo masaga' mampalulur ra ngaangai' mamagun muno, koson ra sanginan manuk puunan mampagupu' ra gogol nano ra kawo nano, kaa' marara' kou!

LUKAS 6:23

Pakaansuk kano amon ru masauk gitio ramuyun, sabap ra maayo ampos maginaa ramuyun giu' ra suruga'. Sabap ra koson raginio niayuk pinamakuan ru kinamatuaan nilai ra nabi-nabi ra galing i.

RINALATAN 3:21

Io musiti' mayan ra limbowon saboi talimbaguin ri Aki Kapuuno' ngaangai' no, koson ra rinagu ri Aki Kapuuno' ondo' pinabala' galing ra nabi-nabi matulai Nano paat ra galing i.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

JAKUBUS 5:13

Amon ru mokoondo' intor ramuyun makakapaganan, moonsoi ru makiasi' io. Am osoi ayuk maansukan, moonsoi marimbai io mongompor ri Aki Kapuuno'.

JAKUBUS 5:7

Sabap raginio, pabukat kau ngai', kataan kano saboi Tuhan no matong saguli'. Karaa' min noyo sangulun nanangumo; ati koson guang mataan nano ra io maginaa ra ampos ondo' lansanin nati toojo. Mabaya' ra guang mataan maginaa io ayuk ra rasam.

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.