JAKUBUS 5:1 - Tanou Moonsoi Timugon

¹ Am raino, ulun langkaya' kau ngai', rongogo' min gitio! Pantangi' am pangiluk kano sabap ra mokoondo' kapaganan maagat matuum min.

JAKUBUS 5:1 Iomraidhean Croise

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

AMSAL 11:28

Osoi lumansan ra rapu' maratu' io koson ra raun mapua', kaa' ulun ra kolondo' tula tumuu' koson ra sakot malabung.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 15:3

Ulun mangkiralan nambayang ra konoon ru karung. Giu' ra tana' nalimparang am pinuusan ru baloi, ulun manulaboi am mantangi'.

JIRIMIA 4:8

Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

YEHEZKIEL 19:2

Ina' min koson ra singa' ruandu' ondo' totopot baani. Nampasukor io ra anak-anak nano ra gino ngai' ru singa'-singa' ungkuyon ondo' masangit.

YEHEZKIEL 30:2

“Okou ulun mapandai matoi, panala' no am potonowo' atan ondo' raguon Kuno, Tuhan Raja'. Golok no am panulaboi no koson ragitio: Orou ru Tuhan mamaar noyo!

JOIL 1:11

Akau ulun magitanom, pangiluk guang kano; akau ulun manangumo ra anggur, pantangi' kano, sabap ra gandum, barli, am ngaangai' tinanom napuso noyo.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

JOIL 1:5

Akau ondo' nagauk, tirong kano! Akau ondo' manginum ra wain, pantangi' kano! Wain ondo' baguon ginaau noyo intor ra kabang min.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

JAKUBUS 1:11

Paat ra mato ru orou sumirang ra mapangit toojo, lumonot boo sakot no am busak nano pana matagag, am kolondo' boo kinoonsoi nano. Koson niayuk ra ulun langkaya', pusoon ra tatanga' io mirot mampaugar ra kandoi nano.

JAKUBUS 2:6

Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama?

JAKUBUS 4:13

Am raino ti, rongogo' noyo gitio, akau ondo' mindagu ra, “Orou raiti' kapoam susuab, manding akai po ra rondo' bandar am mayan ra giu' no buoi sambilor. Giu' no mantatalan akai koson maguyum ra ruit masuang toojo.”

JAKUBUS 4:9

Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.