JAKUBUS 4:9 - Tanou Moonsoi Timugon

⁹ Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.

JAKUBUS 4:9 Iomraidhean Croise

NIGIMIA 8:9

Pokorongog mamagun ra pambasaan Taurat no, nalamawan ilo saboi nantangi' ilo. Ginio ra Gabenor Nigimia am Imam Ijra, ulun mapandai kaga' ra Taurat no, am ulun ru Liwi ondo' tatanga' mambala' ra liliwaan Taurat no nambala' ra mamagun, “Orou raiti' orou patimpokon koson ra Tuhan, i Aki Kapuuno' min. Ginio ra pai' kano mangiluk guang kapoam mantangi'.

AYUP 30:31

Ragili mangkirongog aku ra miujik ru kaansukan, kaa' raino tangi' ra suloboyon ayuk boo.

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 119:67

Ra kalo poyo ukumin Mu aku, masalok aku manuliar ra panusuban Muno, kaa' ragino ginagaya' ku ragu Muno.

MAZMUR 119:71

Moonsoi noyo ra Okou mangukum raki', maa' raginio makarati' aku ra panusuban Muno.

AMSAL 14:13

Kurit makasibuni ra guang mangiluk, kaa' bulintok ra kaansukan malupus, guang mangiluk soroi poyo.

MAMPATANOU 2:2

Nakapandai aku no ra kurit no koson mampailong ra kalo matanda' am katasuan kolondo' onong.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

SULABOI 5:15

Kaansukan nairu' noyo ra ralalom ru kaayagan mai, sayau nakulau nasauk ra panguliran.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 7:16

Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

MATIUS 21:41

Taam ilo, “Maaru' potoyon no ngaangai' ulun malaat i, am pasiwain no boo umo ru anggur nano ra ulun bokon ondo' masaga' mantayar ra nakumos i paat masuku' orou pantayaran.”

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

LUKAS 6:21

“Pakaansuk kano ondo' nangaitilan raino, sabap ra basugon kau! Pakaansuk kano ondo' mantangi' raino, sabap ra pakuriton kau!

LUKAS 6:25

“Aibui boo ramuyun ondo' naasug ra raino ti, mangaitilan kau ra maagu no! “Aibui boo ramuyun ondo' pasakurit ra raino ti sabap ra mangiluk guang am mantangi' kau ra maagu no!