JAKUBUS 4:7 - Tanou Moonsoi Timugon

⁷ Ginio ra gagaya' kano ri Aki Kapuuno'. Anggalo' min noyo Tingganai ru riwato no, am magiru' io boo intor ramuyun.

JAKUBUS 4:7 Iomraidhean Croise

2 SAMUIL 15:26

Kaa' amon ru kalo maansayan Tuhan no raki', maya' ayuk ra atan kasagaan Nano ra inan kutu.”

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

MAZMUR 68:30

Ngaangai' raja' mapataak Rirun ra tangguang giu' ra Baloi Muno ra Jirusalim.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

RINALATAN 26:19

“Raja' Agripa, ginio puun ra aku ti mapirot toojo sumugut ra pagilangan no ondo' pinakito ri Aki Kapuuno' raki'.

RINALATAN 9:6

Kaa' raino sukal am ongoi ra Damsyik no. Giu' no balain tokou atan ondo' musiti' baalon muno.”

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

ROMA 14:11

Sabap ra tinulisan noyo ra Buuk Kitab, kon ru Tuhan, “Aku ti i Aki Kapuuno' ondo' maayag, moonong ulun migulatur ra saang Kuno, am poyo mangiou ra Aku ti i Aki Kapuuno'.”

IPISUS 4:27

Pai' min anii' Tingganai ru riwato no ra kaluagan mangkinam ramuyun.

IPISUS 5:21

Gagaya' kano ra sangulun am bokon, sabap ra akau mangurumat ri Kristus.

IPISUS 6:13

Sabap raginio, alapo' min noyo kinandoi mangayou ondo' pinongo ri Aki Kapuuno' ramuyun. Maa' raginio, paat ra malaat no mantipagon ramuyun maalap min niayuk ilo kaanggal. Mopongo boo pangayawan mino, lakat poyo maikang pangintapatan min.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.

1 PITRUS 2:13

Sabap ra mangintopot kano ra Tuhan, gagaya' kano ra osoi ayuk ondo' maningganai ramuyun; ioginio Kaisar ondo' tingganai maayo kaga',

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”