JAKUBUS 4:5 - Tanou Moonsoi Timugon

⁵ Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

JAKUBUS 4:5 Iomraidhean Croise

KASAUKAN 26:14

Nangusolon boo ulun ru Palistin no riso, sabap ra io masuang ulipon, kambing, domba am sapi'.

KASAUKAN 30:1

Kaa' lakat poyo kolondo' anak ri Ragil. Maingot io boo ra maayo nano, am indagu ri Jakub, “Anii' aku ga ra anak, amon ru kalo matoi aku.”

KASAUKAN 37:11

Mangusolon pagaka'-pagaka' ri Jusup riso, kaa' magail ama' nano mampaguang ra ngaangai' no.

KASAUKAN 38:9

Kaa' nakapandai i Onan ra sala' ka io tatangan ra anak raginio ra tauli no. Pogonong boo i Onan sumawo ra napuor ru maayo nano, polosoon no uwa' nano tumiis ra lusar maa' raginio kolondo' papag ru maayo nali.

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

MAZMUR 106:16

Giu' ra tana' kaagisan no sumolon ilo ri Musa, am niayuk ri Arun, ulipon Nano ra matulai.

MAZMUR 37:1

Mazmur ri Daut. Pai' kalasu' guang ra ulun malaat no; pai' solon risilo ondo' nambaal ra sala.

AMSAL 21:10

Ulun malaat guangon nilono kalaatan ayuk; kalo makaasi' ilo ra osoi-osoi ayuk pana.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

JISAYA 11:13

Pamarintaan ru Israil kalo boo sumolon ra Jiuda, am Jiuda pana kalo boo makimantula' ra Israil.

UNTABAN 11:29

Taam i Musa, “Mangkara' kou kia ra baal kutu? Malansan aku kaga' ra manaak Tuhan ra Ambiluo Nano ra ngaangai' ulun Nano, am mambaal risilo ngaangai' mampiau koson ra nabi!”

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 19:37

Mokoondo' poyo tinulisan ra Buuk Kitab, “Ulun-ulun monontong Riso ondo' tinura' nilai.”

JUANIS 7:42

Tinulisan noyo ra Buuk Kitab ra: ‘Mamamayag ondo' sinusub ri Aki Kapuuno' intor ra papag ri Daut, am intor Io ra pamagunan Bitligim, intok ri Daut ragili.’ ”

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

ROMA 9:17

Sabap ra tinulisan noyo ra Buuk Kitab, kon ri Aki Kapuuno' ra raja' Misir, “Pinasauk tokou ra raja' maa' raginio ralalom rirun mampakito Aku ra kuasa' Kuno, am maa' raginio inggalan Kuno mauligan ra ati-ati ayuk ra tana' ti.”

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

GALATIA 3:8

Nanala' noyo Buuk Kitab ragili ra i Aki Kapuuno' mopobonsoi saguli' ra ulun sala' ka Jaudi Riso sabap ra mangintopot ilo Riso. Tanou Moonsoi raginio pinasaboi galing ri Abragam, kon ragitio, “Sabap ra okou mambarakat i Aki Kapuuno' ra ngaangai' bansa' ru tana' ti.”

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.