JAKUBUS 4:3 - Tanou Moonsoi Timugon

³ Am ra makiasi' kau pana, kolondo' niayuk moowot min, sabap ra malaat kinitaak mino. Katasuan ru guang ayuk ondo' karaan ralalom pakiasian min.

JAKUBUS 4:3 Iomraidhean Croise

1 RAJA'-RAJA' 3:11

Indagu Io boo ra Raja' Salomo, “Sabap ra nakitaak kou ra kapintaran am sala' ka umur ra maawar, kapoam kalangkayaan, kapoam patayan ru pantula' muno,

AYUP 35:12

Ulun naimbolo' no mampiau, kaa' kalo tumaam i Aki Kapuuno', sabap ra malilimbau ilo am malaat.

MAZMUR 18:41

Okou nangkinibit ra pantula' kuno nagiru' intor raki'; pusoon ku ulun ondo' masisang raki'.

AMSAL 1:28

Bulintok raginio mampiau kau raki', kaa' kalo taamon takamin. Maguyum kau raki' ra ati-ati ayuk kaa' kalo matuum min aku.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:13

Ulun ra kalo masaga' mangkirongog ra laa ru ulun musikin, kalo lioon bulintok ra io galama' makiindangan.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

MIKA 3:4

Nasaboi noyo paat ra akau mampiau ra Tuhan, kaa' kalo tumaam Io. Kalo mangiou Io ra pakiasian min, sabap nambaal kau noyo ra kalaatan.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

MATIUS 20:22

Indagu i Jisus risilo, “Akau kalo nakapandai ra atan kinitaak mino. Makakau' kau kia manginum ra sangkir kaimbalaan ondo' maaru' inumon Ku?” Taam ilo, “Makakau' akai.”

MARKUS 10:38

Taam i Jisus, “Akau ti kalo makapandai atan gogoton mino. Makakau' kau kia manginum ra sangkir kaimbalaan ondo' maaru' inumon Kuno? Makakau' kau kia manguma' ra pampariwan kaimbalaan ondo' maaru' umaan Kuno?”

LUKAS 11:10

Sabap ra moonong ulun ondo' makitaak makaalap, ondo' maguyum makatuum am kulobon ukabin ra ulun ondo' manitik.

LUKAS 15:13

Kukula' ngoorou ragili, talano' ru pupusan i ngaangai' tayar nali am tanggau nababaya' ra ruit nali. Minongoi io ra rondo' pagun ondo' maalur toojo, am giu' i kalo boo naaru'-aru' pamakuan nano ra ruit nali am jajajou kaayagan nali.

LUKAS 15:30

Kaa' anak mu ragitio ondo' nangai' ra ngaangai' rapu' muli ra ruandu' malaat no, paat io siminaguli', sinimbaluyan mu io ra sapi' ondo' moonsoi toojo!’

JAKUBUS 4:1

Atan kia puun ru pantataaman am pansangaran min? Sala' ka kia ginio intor ra kasagaan ru guang malaat min ondo' masalok mantipagon ramuyun.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.

1 JUANIS 5:14

Makakau' takau muma' ri Aki Kapuuno', sabap ra mangintopot takau ra rongogon No pakiasian takau amon ru makiasi' maya' ra kasagaan Nano.