JAKUBUS 4:17 - Tanou Moonsoi Timugon

¹⁷ Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

JAKUBUS 4:17 Iomraidhean Croise

JUANIS 13:17

Amon ru makapandai kau raginio, mulu' poyo bansuk min amon ru suguton min.

JUANIS 15:22

Amon ru kalio Aku minatong am nambala' ra ngaangai' ti risilo, kolondo' tula nilo. Kaa' raino mailo ilo boo mindagu ra, ‘Kalo nakapandai akai ra natulaan akai.’

JUANIS 9:41

Taam i Jisus, “Amon ru noolou kau, kolondo' tula min. Kaa' nakaindagu kano ra kalo noolou kau, ginio ra tula mino pana tumilayun ayuk boo.”

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 7:13

Amon ru koson poyo raginio, ondo' moonsoi no kia mangkinibit raki' ra kapatayan? Maaru' kalo! Mansail ra ukum ondo' moonsoi, tula noyo ondo' mangkinibit raki' ra kapatayan. Guang mambaal ra tula mauligan toojo am mansail ra ukum mapandayan noyo ra kinalaat ru tula no.

2 PITRUS 2:21

Moonsoi poyo ru ulun koson raginio kalo igogondo' pakaulig ra ralan katapatan ri Aki Kapuuno', intor ra ilo makaulig toojo, kaa' ra tauli kalo boo sumugut ra panusuban ri Aki Kapuuno' ondo' pinasaboi noyo risilo.