JAKUBUS 4:14 - Tanou Moonsoi Timugon

¹⁴ Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

JAKUBUS 4:14 Iomraidhean Croise

2 SAMUIL 19:34

Kaa' taam i Barjilai, “Aku ti kalo boo mabuoi maayag. Atan kia onong no ra aku maya' rirun mongoi ra Jirusalim?

MAZMUR 102:3

Pai' aku talikuri' bulintok ra aku makakapaganan. Rongogo' aku bulintok ra aku mampiau, am taamo' noyo mataki' kitaakon kuno.

MAZMUR 144:4

Ulun koson ayuk ra labus ru paminawaan, am kaayagan nano mansail koson ra babara'.

MAZMUR 39:5

“Iou Tuhan, balai' aku ra orou patayan kuno maa' raginio mapandayan ku mapara' riwa' ru bayag kuno.”

MAZMUR 78:39

Makara' No ra ilo no ulun mapandai matoi, koson ra angin sumiob am lumiot.

MAZMUR 89:47

Iou Tuhan, saboi sanggilan ra Okou mansibuni? Saboi sanggilan kia sangit Muno ra lumuab-luab koson ra apui?

AMSAL 27:1

Pai' pamanggo atan kasaukan ra susuab, sabap ra kalo poyo natutunan min atan kasaukan no.

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

JISAYA 38:12

Painawo kuno naukat, paminawaan pupus paabuson ku, koson ra kim ru mantatamung pinurun, koson ra konoon linompor intor kuliamos ru pambaalan ra konoon. Indos ku pupusin ri Aki Kapuuno' bayag kuno.

JAKUBUS 1:10

Musiti' no sangulun Kristian ondo' langkaya' makaansuk amon ru paratuon io ri Aki Kapuuno'. Sabap ra pupus no kalangkayaan no mapuso niayuk, mogondo' ra busak ru sakot no molonot.

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 JUANIS 2:17

Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.