JAKUBUS 4:10 - Tanou Moonsoi Timugon

¹⁰ Paingganaa' noyo guang mino ra saang ru Tuhan, am painsawaton kau boo ru Tuhan.

JAKUBUS 4:10 Iomraidhean Croise

2 TUNUNG RU BANSA' ISRAIL 7:14

kaa' amon kalo makiasi' ilo Raki' am tumalikur intor ra tula am lumonggo' mambaal ra malaat, am intor ra suruga' mangkirongog Aku risilo, am mangampun ra tula nilo, am niayuk mampasauk ra pagun nilo langkaya' saguli'.

AYUP 22:29

Ulun ondo' lumimbau paingganaan ri Aki Kapuuno', kaa' ondo' minggana' guang bayagon No.

AYUP 5:11

Topot i Aki Kapuuno' ondo' napainsawat ra ulun musikin, am napakaansuk ra ulun mapagon.

MAZMUR 113:7

Ulun musikin kinayang No intor ra tana', am ulun kunsikang intor ra kaau.

MAZMUR 147:6

Ulun ra inimbolo' no inanian No ra kuasa', kaa' ulun malaat no pinapatir No ra tana'.

MAZMUR 27:6

Ra ginio kalaan ku ngaangai' pantula' ondo' liminibung raki' no. Ralalom ru guang maansukan magilakup aku am mapataak aku ra taak simbalui ralalom ru Baloi Nano; marimbai aku am mongompor aku ra Tuhan.

MAZMUR 28:9

Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

MAZMUR 30:1

Mazmur ri Daut. Rimbayon bulintok mokoondo' Baloi ru Tuhan patimpokon.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

YEHEZKIEL 21:26

Aku, Tuhan Raja' minindagu noyo. Iruo' karaun am serban min. Raino ngaangai' no makulau. Kasawato' intok ru ulun musikin. Paingganaa' intok ru ulun makakuasa'.

MATIUS 23:12

Osoi ayuk makapaliso ra minsawat guang, paingganaan; am osoi ayuk makapaliso minggana' guang, painsawaton.”

LUKAS 1:52

Patuunon No raja' ondo' nanguasa', kaa' pasingkoton No ulun ondo' musikin.

LUKAS 14:11

Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.

1 SAMUIL 2:7

Tuhan no mangkinibit ra santayaran ru ulun musikin, am bokon no pasaukon ra langkaya'. Io mapainggana' ra santayaran ru ulun, am bokon no painsawaton.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.