JAKUBUS 3:17 - Tanou Moonsoi Timugon

¹⁷ Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 3:17 Iomraidhean Croise

1 RAJA'-RAJA' 3:12

iowon Ku kitaakon muno. Manaak Aku rirun ra kapintaran am karatian ondo' kalo igondo' linonggom kapoam longgomon ru osoi pana.

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

1 RAJA'-RAJA' 3:9

Ginio ra anii' aku ra kapintaran ondo' gogoton kuno koson mamarinta ra ulun Muno ra matimpok, am maa' raginio mapandayan ku ondo' moonsoi am ondo' malaat. Amon ru kalo, kalo lair masaga' aku mamarinta ra ulun Muno ondo' maayo ti?”

1 TUNUNG RU BANSA' ISRAIL 22:12

Gama' ru Tuhan, i Aki Kapuuno' muno mangani' rirun ra pangaratian am kapintaran, maa' raginio makapamarinta kou ra Israil sumugut ra Taurat Nano.

1 TUNUNG RU BANSA' ISRAIL 22:9

Kabalu' pana raginio binantu' No noyo raki'. Ragu Nano, ‘Mokoondo' kou ra sangulun anak ungkuyon, am mamarinta io ra matanda' sabap ra mangindangan Aku riso saboi kolondo' pantula' ondo' mangayou riso. Inggalanin io ri Salomo, sabap paat ra pamarintaan nano, baalon Ku Israil ra moonsoi am mamimio.

AYUP 28:12

Kaa' ati kia kauyuman ra kapintaran? Ati kia intok takau makaigigila' maa' raginio makarati'?

AYUP 28:23

I Aki Kapuuno' ayuk ondo' nakapandai ra ralan mongoi ra giu', ra intok ru kapintaran soroi,

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

KAINGKUALAN 36:2

Pampiau i Musa ri Bijalil, Ogoliab am ngaangai' tukang ra bokon ondo' inanian ru Tuhan ra kapandayan, iono ilo ondo' masaga' mindangan; am susubo' ilo ri Musa manalimpuun ra kandoi no.

AMSAL 2:6

Tuhan noyo manaak ra kapintaran. Katutunan am karatian Io namuun.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

JISAYA 32:6

Ulun sasambungon mindagu ra ragu-ragu sasambungon am mangatang ra baal malaat. Binaal am raguon nilono magasab ra Tuhan. Kalo igondo' ilo panaak ra akanon ra ulun maitilan kapoam manaak ra inumon ra ulun pinaason.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

DANIL 1:17

Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

MALIAKI 2:9

Ginio ra Aku pana mangkinibit ramuyun kalo urumaton ru ulun ru Israil sabap ra kalo ginagaya' min kasagaan Kuno, am sabap ra pinasusuai min ulun paat ra akau nangila'.”

MALIAKI 3:3

Matong Io koson mangakim ra ulun, koson sangulun ondo' mamasau am manuyu' ra mas am pirok, koson niayuk ra ulun sinusub ru Tuhan mamasau toojo ra imam-imam maa' raginio mampataak ilo ra taak simbalui ondo' maaya' pataakon ra Tuhan.

MATIUS 23:28

Koson niayuk ramuyun, pagilangan ru ulun akau moonsoi, kaa' ralalom ru guang min, mototop ra abau am tula.”

MATIUS 5:8

Pakaansuk noyo ulun ondo' mapasau guang, sabap ra makakito ilo ri Aki Kapuuno'.

MATIUS 5:9

Pakaansuk noyo ulun ondo' magibit ra kaansayan ra tatanga' ru ulun, sabap ra piawon ilo ra anak ri Aki Kapuuno'.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

LUKAS 6:36

Kataau kano koson i Ama' min pana mataau!”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

RINALATAN 11:24

I Barnabas ti sangulun moonsoi, mokoondo' ra kuasa' ru Ambiluo ri Aki Kapuuno' am mangintopot toojo ra Tuhan am masuang ulun nangintopot ra Tuhan.

RINALATAN 9:36

Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

ROMA 12:18

Amon ru maalap min, pobobonsoi kano ra ngaangai' ulun.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

ROMA 15:14

Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

2 KORINTUS 7:11

Ilai' min noyo ampos ru guang mangiluk min ondo' sumugut ra kasagaan ri Aki Kapuuno': mirot kau mampainono' ra kalo makasala kau. Mumpara' boo sisang min ra tula i am mumpara' boo laa' min ra sonor no. Mumpara' poyo ondom min raki' am kasagaan min mangukum ra baal makasala. Nampakito kano ra ralalom ru ngaangai' baal ti ra kolondo' sala min.

2 KORINTUS 9:10

I Aki Kapuuno' noyo mangani' ra sampug ra ulun mapatias am poyo akanon ru itakau ulun. Io niayuk ondo' mangani' am mampatuu' ra tiniasan mino suku' rumuang ampos no, maa' raginio makapangani' kau ra ulun bokon.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

1 TISALONIKA 2:7

kabalu' pana akai ti, koson ra rasul ri Jisus Kristus, maaya' akai makitaak ra atan-atan ayuk intor ramuyun. Kaa' kinolomoi mai guang mai paat ra akai soroi ramuyun, koson ra sangulun ina' ra io mantalaanak.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

2 TIMOTIUS 2:24

Kalo noyo moonsoi ulipon ru Tuhan no makapaliso makimansangor. Kaa' sotopot no moonsoi masamba io ayuk ra ngaangai' ulun, am sumauk ra mangingila' ra moonsoi ondo' mataan guang.

TITUS 1:15

Ngaangai' niayuk karaan mapasau ru ulun ondo' mapasau guang, kaa' kolondo' rondo' pana karaan mapasau ru ulun ondo' malaat guang am kolondo' pangintapatan. Sabap ra pangkaraan am bolos ru guang nilo malaat ayuk.

TITUS 3:2

Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

IBRANI 12:11

Paat ra itakau loposon am ilaan koson raginio, mangiluk guang takau am sala' ka maansukan. Kaa' tauli no ilo ondo' loposon am ilaan ri Aki Kapuuno' koson raginio mokoowot ra kaansayan am masauk ra ulun ra motopot.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JAKUBUS 2:4

Amon ru makapaliso kau ra inggion ti, akau mampili' ra ulun am mangukum risilo maya' ra pamaguangan min ra malaat.

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 PITRUS 2:18

Ulipon kau ngai'; Gagaya' kano ra susuban ru tuan mino, sala' ka ilo ayuk ondo' molomoi am moonsoi guang, kaa' ilo ondo' malaat no pana.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.