JAKUBUS 3:16 - Tanou Moonsoi Timugon

¹⁶ Ati ayuk mokoondo' ra ulun magusolon kapoam maguyum ra kaatangan galama' ayuk, giu' no niayuk mokoondo' boo pagugulaan am poyo nansalinut sauk malaat.

JAKUBUS 3:16 Iomraidhean Croise

KASAUKAN 11:9

Bandar no ininggalanan ra Babil sabap ra giu' noyo jinajou ru Tuhan ragu ru ulun, am ra giu' noyo napatuliaran ru Tuhan ra ulun ra titikop ru tana' ti.

KASAUKAN 38:9

Kaa' nakapandai i Onan ra sala' ka io tatangan ra anak raginio ra tauli no. Pogonong boo i Onan sumawo ra napuor ru maayo nano, polosoon no uwa' nano tumiis ra lusar maa' raginio kolondo' papag ru maayo nali.

MARKUS 3:25

Amon ru sambaloi mantutuliar am mantutula', sambaloi raginio maaru' mabintas ilo.

RINALATAN 19:29

Kumuliangi-angi boo ulun ra ngaangai' ru bandar i. Ulun masuang namparakop niayuk ri Gayus am i Aristarkus, karuruo ti ulun Makidonia ondo' namparangan ri Paulus ralalom pangkiralanan nali. Ralaato' ilo boo ra stadium ru bandar i.

ROMA 2:8

Kaa' ilo ondo' masalok maguyum ra kasingkatan galama', manginggi' ri Aki Kapuuno' am poyo gumagaya' ra kalaatan, ilo no kasangitan am ukumin ri Aki Kapuuno'.

1 KORINTUS 14:33

Sabap ra i Aki Kapuuno' marara' ra jajajou, kaa' masaga' Io ritakau matanda' am makakaansayan. Koson ra kaindalaman ru ngaangai' pasimpungan ulun Kristian,

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

JAKUBUS 3:14

Kaa' amon ru lakat kau poyo magusolon, maruol guang am maguyum ak ra kaatangan galama', pai' noyo limbau ra kapintaran minti sabap ra ngaangai' ti abau ayuk.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.