JAKUBUS 3:13 - Tanou Moonsoi Timugon

¹³ Osoi ak intor ramuyun ondo' mangkara' ra makaintutun am mapintar io, moonsoi ru pakitonon no ginio mansail ra kaayagan am baal moonsoi nano, mabaya' ra guang minggana' am kapintaran.

JAKUBUS 3:13 Iomraidhean Croise

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 122:8

Koson kaansayan ru rangan am pabukat kuno, mindagu aku ra Jirusalim, “Gama' ru moonsoi kou!”

MAZMUR 149:4

Maansukan Tuhan no ra ulun Nano; pamanangon No ulun ra minggana' guang.

MAZMUR 25:9

Tuluin No ulun ondo' minggana' guang no ra ralan motopot, am mangila' risilo ra kasagaan Nano.

MAZMUR 45:4

Pooboto' ilang ra awak muno, okou raja' mapanggol, okou no raja' ra totopot uramaton am maatang kaga'!

MAMPATANOU 8:1

Sangulun ondo' mapintar ayuk makapandai ra arati' ru ngaangai' baal. Kapintaran mampasauk riso makakurit am bulos nano matakau.

MAMPATANOU 8:5

Maayag kou ra sabuoi no amon mangintopot kou ra parinta ru raja', am ulun mapintar makapandai ra bulintok am ralan gumagaya' riso.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 60:6

Kafilah-kafilah matong intor ra Midian am Ipa. Matong ilo intor ra Syiba am magibit ilo ra mas am kaminyan. Potonowon nilo baal ra moonsoi ondo' binaal ru Tuhan!

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JIRIMIA 9:12

Pangkuot aku, “Iou Tuhan, kua ra pagun ti nasauk ra kolondo' tutuu' am napua' koson ra tana' kaagisan, saboi kolondo' ulun mansail no? Osoi kia ondo' sama' pintar koson makarati' ra ngaangai' no? Osoi kinua' balain Muno intor ra baal ragitio maa' raginio makapambala' io ra ulun bokon?”

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

JIPANYA 2:3

Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.

UNTABAN 12:3

I Musa ti sangulun ondo' minggana' guang, minggana' guang poyo intor ra osoi pana ra tana' ti.

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

MATIUS 21:5

“Balai' mamagun ru bandar Sion, ilai' raja' mino matong ra raino ti rirun. Io no minggana' guang am siminakoi ra kaladai, am ra sanginan anak kaladai ondo' mamulok.”

MATIUS 5:5

Pakaansuk noyo ulun ondo' minggana' guang, sabap ra makaapu ilo ra ondo' binantu' ri Aki Kapuuno'.

MATIUS 7:24

“Moonong ulun ondo' mangkirongog am gumagaya' ra raguon Kuno, io ti koson ra ulun mapintar ondo' mambaal ra baloi nano ra rasawat ru batu.

1 KORINTUS 6:5

Mapara' boo uyu' no! Maaru' mokoondo' intor ramuyun ondo' mapintar koson manalasai ra pansasangaran ra gino ngai' ru ulun Kristian.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 8:24

Ginio ra ponogom kano risilo, maa' raginio makapampakito kau ra ngaangai' pasimpungan ulun Kristian ra ompor mai ramuyun am motopot ayuk.

GALATIA 5:23

am minggana' guang am poyo mapandai mongorot. Baal koson raginio kalo iningaan ru atan ayuk pana ukum.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

GALATIA 6:4

Moonong sigagama' musiti' ilain toojo ra paliso nano galama'. Amon ru moonsoi paliso no, bagu no maansukan io ra atan kandoi nano, am kalo pana makimogondo' ra bokon,

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

TITUS 3:2

Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 PITRUS 1:15

Sotopot no, kaayag kano ra mapasau ralalom ngaangai' baalon mino, koson i Aki Kapuuno' ondo' nampiau ramuyun no mapasau.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.