JAKUBUS 2:5 - Tanou Moonsoi Timugon

⁵ Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

JAKUBUS 2:5 Iomraidhean Croise

1 RAJA'-RAJA' 22:28

Kon ri Mika, “Amon ru makasaguli' kou raja' ra maayag, maaru' Tuhan no kalo mindagu pinabala' galing raki'!” Kon poyo ri Mika, “Rongogo' noyo, akau ngaangai' ulun, ra atan ondo' rinagu kutu.”

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

AYUP 38:14

Sinda mato ru orou mampakito ra bulur am limayak totopot makito koson ra sap ra tana' lia' am liningkom ra sukub.

KAINGKUALAN 20:6

Kaa' mapakito Aku ra togom Ku ra riribu papag ru ulun ondo' motogom Raki' am gumagaya' ra ukum Kuno.

AMSAL 13:7

Mokoondo' ulun sumalu ra langkaya', sotopot no kolondo' atan-atan linonggom no. Mokoondo' niayuk sumalu ra ulun musikin, sotopot no langkaya' io.

AMSAL 7:24

Ginio ra, alii ra anak kau, rongogo' aku no am karaa' min bilin kuli.

AMSAL 8:32

Raino, rongogo' min aku, alii ra ulun mamulok! Gagayaa' min nanuluan kuli, akau pana makakaansayan.

JISAYA 14:32

Atan kia pataamon takau ra ulun-ulun sinusub ru ulun ru Palistin? Balain takau ra Tuhan noyo napabigor ra Sion, am ulun Nano naimbolo' makaalap ra sindungan ra giu'.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JIPANYA 3:12

Ulun ondo' asabin am ondo' minggana' guang polosoon Ku mayan ra giu' no. Matong ilo makiindangan Raki'.

JAKARIA 11:11

Koson raginio noyo nabantuan no inukat paat ra orou raginio. Ulun-ulun mantalan ra domba nagilong raki', am nakapandai ilo ra Tuhan tatanga' mindagu ralalom ru binaal kuno.

JAKARIA 11:7

Ulun mantalan ra domba nampagaji' raki', am aku pana nasauk ra magagalung ru domba sampanon ondo' simbaluyon. Alapon ku ruo jujuga': ondo' rondo' inggalanin ku “Kataawan” am ondo' rondo poyo “Pasimpungan”. Tumalimpuun aku boo magalung ra domba-domba no.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

MARKUS 7:14

Piawo' boo ri Jisus igondo' poyo ulun masuang no, “Akau ngaangai', rongogo' am pakarati' kano ra ragu Kuno.

LUKAS 12:21

Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

LUKAS 16:22

Patoi i Lajarus am inibit ru malaikat ra kinamatuaan nali, i Abragam, giu' ra suruga'. Ulun langkaya' no pana minatoi am linobong.

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

LUKAS 22:29

Koson niayuk ra Aku inanian ru Ama' Kuno ra kuasa' mamarinta, Aku pana mangani' ramuyun ra kuasa' raginio.

LUKAS 6:20

Tantangi' ri Jisus ngaangai' maamaya' Nano am indagu, “Pakaansuk kano, ondo' musikin, sabap ra akau noyo ulun ri Aki Kapuuno'.

JUANIS 7:48

Ilai', kolondo' sangulun pana tingganai takau kapoam ulun-ulun ru Parisi mangintopot Riso.

RINALATAN 7:2

Taam i Stipanus, “Pabukat ku ngaangai'! Rongogo' min gitio! I Aki Kapuuno' nampakito ra katulayan Nano ra kinamatuaan takau i Abragam paat ra io lakat ayuk poyo minayan giu' ra pagun Misopotamia, ra kalo poyo minanding ra pagun ru Aran.

ROMA 8:17

Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

2 TISALONIKA 1:5

Am gitio noyo kakitanan ra kinabanis ru pangakiman ri Aki Kapuuno': Ra naimbolo' kano sabap ra pangintapatan min Riso, paayaan kau makaliman ra Tana' Bagu ri Aki Kapuuno'.

1 TIMOTIUS 6:18

Pinsono' ilo poyo mambaal ra moonsoi, koson maluoi mangani' ra indangan am maansayan mantayar ra ulun ra bokon.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 1:16

Pabukat kau ngai' ondo' tagamin ku, pai' kano karuung!

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.

JAKUBUS 1:9

Musiti' no sangulun Kristian ondo' musikin makaansuk amon ru pasingkoton io ri Aki Kapuuno'.

1 PITRUS 1:4

Ginio noyo puun ru barakat maayo ondo' pinatampos kalalair ritakau giu' ra suruga'. Am taak ragitio kalo maalap kalunsai, kapuso kapoam kairu'.

2 PITRUS 1:11

Koson raginio noyo ra iowon kau niayuk mumpos ra suruga', ioginio pamarintaan ru Tuhan am Mamamayag takau, i Jisus Kristus.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

TINGGANAI RU BANSA' 9:7

Pokorongog i Jotam ra baal raginio, bigor io ra tampak ru Gunung Girijim am golok risilo, “Rongogo' ragu kutu, akau ngai' mamagun ru Sikgim, maa' raginio rumongog niayuk i Aki Kapuuno' ramuyun!

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.