JAKUBUS 2:26 - Tanou Moonsoi Timugon

²⁶ Ginio nai ra koson ra ulun mairuan ra painawo matoi ayuk, koson niayuk ra ulun ondo' mangintopot kaa' kalo mambaal ra moonsoi, io ti koson minatoi noyo, ioginio pangintapatan nano kolondo' onong.

JAKUBUS 2:26 Iomraidhean Croise

MAZMUR 104:29

Bulintok ra okou manululit, ilo ondo' maayag ra binangun Muno malaa'; amon sagulion Mu paminawo Muno, ngaangai' no mapuso, am sumaguli' ra tana', masauk saguli' ra kaau.

MAZMUR 146:4

Bulintok ra ilo matoi sumaguli' ilo ra tana'; paat orou raginio ngaangai' inatang nilono mapuso.

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

JAKUBUS 2:14

Pabukat kau ngai'! Mokoonong kia ulun mindagu ra, “Mangintopot aku no,” amon ru kalo mampakito io raginio ralalom atan ondo' baalon nano? Pangintapatan koson raginio kia makapamayag riso?

JAKUBUS 2:17

Koson niayuk ra pangintapatan: amon ru kalo sumbayanin ra binaal moonsoi, pangintapatan ti kolondo' noyo onong.

JAKUBUS 2:20

Bungas kou nai toojo! Makitulu' kou piboo kia ra kolondo' noyo onong ru pangintapatan, amon ru kolondo' baal ra moonsoi?