JAKUBUS 2:25 - Tanou Moonsoi Timugon

²⁵ Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.

JAKUBUS 2:25 Iomraidhean Croise

MATIUS 1:5

i Salmon ama' ri Boas; (ina' nali i Ragab); i Boas ama' ri Obid (ina' nali i Rut); i Obid ama' ri Isai;

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

RINALATAN 17:7

am apuo' boo ilo ri Jason ra baloi nano. Ilo ngaangai' manggal ra ukum ru Kaisar Roma am indagu ilo poyo ra mokoondo' raja' ra bokon makainggalan ri Jisus.”

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

JAKUBUS 2:22

Makito noyo toojo pangintapatan nano nabaya' niayuk ra ondo' binaal nali ra moonsoi; am mansail ra ondo' kinandoi nali pangintapatan nali norontop.

JAKUBUS 2:24

Ginio sabap ra itakau ti apuon ri Aki Kapuuno' sabap ra atan ondo' baalon takati, am sala' ka sabap ayuk ra pangintapatan takau.

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 2:15

Baloi ri Ragab binaal ra timbok ru bandar. Ginio ra pinatuun no ulun-ulun pansigo no namakai ra tali ra liwar ru timbok mansail ra gigimpalan.

JOSUA 2:16

Indagu i Ragab, “Ongoi no ra intok kabuluran maa' raginio kalo matuum kau ru ulun-ulun sinusub ru raja' no. Pansibuni kau ra giu' no buoi talu ngoorou saboi ulun-ulun sinusub no sumaguli'. Rayusi' min boo pangkiralanan min.”

JOSUA 2:4

Taam ri Ragab, “Topot mokoondo' kukula' ngaulun minatong ra baloi kutu, kaa' kalo nakapandai aku ati intor nilo. Minugar ilo paat ra palunggai' ti, ra kalo poyo inangaban kulobon garabang. Kalo nangkuot aku ati angayan nilo kaa' amon ru ilowon ilo ra mataki', marakop ilo.” (Ati ka pinasibuni ri Ragab ruo ngaulun pansigo no giu' rasawat ru taap ru baloi ondo' marata', giu' ragana' ru pupug ru rami, ondo' pinabanta' no ra giu' no.)

JOSUA 6:17

Bandar no am ngaangai' ra giu' no musiti' pusoon lingono' koson taak ra Tuhan. I Ragab ayuk am sasambaloi nano ondo' bayagon, sabap pinasibuni no ulun pansigo takau.