JAKUBUS 2:23 - Tanou Moonsoi Timugon

²³ Ginio ra nontopot toojo ragu ru Buuk Kitab ra, “I Abragam nangintopot ri Aki Kapuuno', am sabap ragitio i Aki Kapuuno' nangapu riso koson sangulun motopot.” Ginio boo puun i Abragam ti sinabit ra ‘Rangan ri Aki Kapuuno' ’.

JAKUBUS 2:23 Iomraidhean Croise

KASAUKAN 15:6

Nangintopot i Abram ra Tuhan, am ginio ra Tuhan nangiou riso koson sangulun motopot.

1 RAJA'-RAJA' 4:5

Tingganai ru pagawai ru libung: I Ajaria anak ri Natan

2 TUNUNG RU BANSA' ISRAIL 20:7

Okou no i Aki Kapuuno' mai. Paat ra ulun Muno Israil minanding ra pagun ti, pinagiru' Mu bansa' ondo' minayan ragiti am nangani' ra tana' ti ra papag ri Abragam, rangan Muno, koson masauk ra tungkuson nilo ra sabubuoi no.

AYUP 16:21

Gogoton kuno maa' raginio mokoondo' ulun makimasi' ri Aki Kapuuno' ra tayar kuno, koson ra ulun makimasi' ra tayar ru rangan nano.

KAINGKUALAN 33:11

Mindagu Tuhan ri Musa ra makapangkito ra bulos, koson ra sasangulun mindagu ra rangan nano. Sumaguli' boo i Musa ra pangkiman, kaa' i Josua anak ri Nun, buayoi ondo' mangindangan ri Musa, soroi ra Kim ru Tuhan.

JISAYA 41:8

Kaa' akau Israil, ulipon Kuno, akau noyo ulun pinili' Kuno, papag kau ri Abragam, kubayau Kuno.

MARKUS 12:10

Kalo kia igondo' kau pambasa' ragu ragitio ralalom ru Buuk Kitab? ‘Batu ondo' pinatiran ru ulun-ulun manambaloi nasauk noyo ra batu maatang.

MARKUS 15:27

Nababaya' ri Jisus, sinalip nilo ruo ngaulun mantatakou; sangulun sinalip tampilon ra pamiris am sangulun sinalip tampilon ra kait. [

LUKAS 4:21

Pangila' boo i Jisus risilo, indagu Io, “Ragu ru Buuk Kitab ra raitii' ni nasauk noyo ramuyun paat norongog min ra orou raiti' niayuk.”

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

ROMA 11:2

Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono,

ROMA 9:17

Sabap ra tinulisan noyo ra Buuk Kitab, kon ri Aki Kapuuno' ra raja' Misir, “Pinasauk tokou ra raja' maa' raginio ralalom rirun mampakito Aku ra kuasa' Kuno, am maa' raginio inggalan Kuno mauligan ra ati-ati ayuk ra tana' ti.”

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

GALATIA 3:6

Gitio nogondo' koson ra tinulisan ra Buuk Kitab ondo' tunungon intor ri Abragam ra, “I Abragam nangintopot ri Aki Kapuuno', am sabap ra pangintapatan nano, inapu io ri Aki Kapuuno' koson ra ulun ondo' mobonsoi saguli' Riso.”

2 TIMOTIUS 3:16

Ngaangai' ondo' tinulisan ra Buuk Kitab inimpuun ri Aki Kapuuno' am mokoonong toojo, ioginio mangila' ra atan ondo' motopot, koson mansawai am mampatanda' ondo' sala, am manulu' ra ulun koson makaaya' toojo ra kasagaan ri Aki Kapuuno'.

JAKUBUS 2:24

Ginio sabap ra itakau ti apuon ri Aki Kapuuno' sabap ra atan ondo' baalon takati, am sala' ka sabap ayuk ra pangintapatan takau.

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”