JAKUBUS 2:13 - Tanou Moonsoi Timugon

¹³ Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JAKUBUS 2:13 Iomraidhean Croise

KASAUKAN 42:21

am pagindagu ilo ra rondo' am bokon, “Iou makasala takau sabap ra atan ondo' pinamakuan takau ra boborok takali. Nakapandai takano nakimasi' io ritakau kaa' kalo linio takau kabalu' pana naimbolo' io kaga'. Ginio sabap ra itakau ti raino natiu' ra kaimbalaan ti.”

2 TUNUNG RU BANSA' ISRAIL 28:11

Rongogo' noyo, ulun rinakop ti pabukat min. Palabuso' ilo! Amon ru kalo, Tuhan sumangit ramuyun am mangukum ramuyun.”

MAZMUR 18:25

Ginio ra moonsoi balos Nano raki' sabap ra nambaal aku ra motopot, sabap ra nakapandai Io ra aku ti kolondo' sala.

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

AMSAL 21:13

Ulun ra kalo masaga' mangkirongog ra laa ru ulun musikin, kalo lioon bulintok ra io galama' makiindangan.

AMSAL 22:16

Osoi mangimbolo' ra ulun musikin koson ra ralan no sumauk langkaya' kapoam manaak ra tangguang ra ulun langkaya', pupus nano tumamusikin.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

MATIUS 5:7

Pakaansuk noyo ulun ondo' maluoi makaasi' ra ulun ra bokon, sabap ra i Aki Kapuuno' niayuk makaasi' risilo.

MATIUS 6:15

Kaa' amon ru kalo ampunon min tula ru ulun, Ama' min giu' ra suruga' niayuk kalo mangampun ra tula mino.”

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

LUKAS 6:37

“Pai' kau kasauk ra akim ru ulun bokon, koson i Aki Kapuuno' kalo mangakim ramuyun. Pai' kau pangukum ra ulun, koson kalo ukumin kau ri Aki Kapuuno'. Ampuno' noyo ulun ra bokon, koson akau pana ampunon ri Aki Kapuuno'.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.

TINGGANAI RU BANSA' 5:27

Naratu' i Sisira am nakaranga' pakalangan; nakaranga' am minatoi io ra kalayam ri Jail.