JAKUBUS 1:3 - Tanou Moonsoi Timugon

³ sabap ra napandayan min noyo ra ampos ru akau makagula' ra pangkinaman, iono guang pantataan.

JAKUBUS 1:3 Iomraidhean Croise

LUKAS 21:19

Musiti' kau mokoorot am mokoowot kau boo ra kaayagan motopot.”

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

KOLOSI 1:11

Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.

2 TISALONIKA 3:5

Gama' ru Tuhan mampaintutun poyo ramuyun ra togom ri Aki Kapuuno' am poyo ati kulaan i Kristus mangani' ramuyun ra guang mataan.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

IBRANI 6:12

Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.