JAKUBUS 1:27 - Tanou Moonsoi Timugon

²⁷ Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JAKUBUS 1:27 Iomraidhean Croise

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MAZMUR 146:9

Sindungin No ulun suai ondo' minayan ra pagun takau; ngaangai' napuor am ilo ondo' nailusan ra matuo no indanganon No, kaa' pusoon No atangon ru ulun malaat.

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

MATIUS 12:32

Osoi ayuk magasab ra Anak ru Ulun, maalap ra ampun. Kaa' osoi ayuk magasab ra Ambiluo ri Aki Kapuuno' kalo maalap ra ampun, paat ra raino kapoam Orou Pupus no!”

MATIUS 5:8

Pakaansuk noyo ulun ondo' mapasau guang, sabap ra makakito ilo ri Aki Kapuuno'.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 2:13

Sala' ka ilo ondo' mangkirongog ayuk ra Ukum ri Musa no mobonsoi saguli' ri Aki Kapuuno', kaa' ilo ondo' mambaal no.

GALATIA 1:4

Maya' ra kasagaan ri Aki Kapuuno', Ama' takau, nampataak i Kristus ra painawo Nano. Iniru' No tula takau koson mamayag ritakau intor ra kalaatan ondo' manguasa' ra raino ti.

GALATIA 3:11

Raino napandayan noyo toojo ra kolondo' sangulun pana mobonsoi saguli' ri Aki Kapuuno' ru mampagagaya' ra Ukum ri Musa no; sabap ra mokoondo' tinulisan noyo ra Buuk Kitab, “Ulun ondo' mobonsoi saguli' ri Aki Kapuuno' sabap ra pangintapatan nano Riso, io no ondo' maayag!”

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

GALATIA 6:14

Kaa' aku kalo noyo lumimbau. Ondo' ayuk omporon ku am namatayan ru Tuhan takau i Jisus Kristus ra salip. Sabap ra namatayan ri Kristus ra salip, kaayagan ku ra tana' ti kolondo' boo arati' no raki'. Kalo boo mangkara' aku ra baal ondo' makito ru ulun.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

1 TIMOTIUS 5:4

Kaa' amon ru sasangulun napuor no makaanak kapoam akupu, ilo ti musiti' lansanin koson magalung ra sasambaloi nilai galama'. Sabap ragitio ralan nilo mambalos ra indangan ru matuo am aki-aru' nilo am niayuk mampakatasu' ri Aki Kapuuno'.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 3:9

Rila' takati noyo ondo' mongompor ra Tuhan, i Ama' takau, kaa' magasab niayuk poyo ra ulun, ondo' sinauk mansalu ri Aki Kapuuno' galama'.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

2 PITRUS 1:4

Ginio noyo ralan ri Aki Kapuuno' mangani' ritakau ra barakat ondo' maayo am ondo' kaansayin takau, sumugut ra bantu' Nano. Ralalom ru barakat ti noyo makapagiru' takau intor ra kalaayan malaat ra tana' ti am mokopogondo' boo paliso takau ri Aki Kapuuno'.

2 PITRUS 2:20

Ulun ondo' nakaulig noyo ri Jisus Kristus, Tuhan am Mamamayag takau, kalo boo kuasaan ilo ru kalaatan ru tana' ti ondo' mampajamol ra kaayagan ru ulun. Kaa' amon ru sumaguli' ilo ra kalaatan nilai, saboi kalaan ilo ru kuasa' malaat no, pupus no lumaat poyo kaayagan nilo intor ra talimpuun i.

2 PITRUS 3:14

Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

1 JUANIS 5:18

Nakapandai takau ra ngaangai' ulun ondo' nasauk ra anak ri Aki Kapuuno' kalo marayus mambaal ra tula, sabap ra Anak ri Aki Kapuuno' mangampin riso am Tingganai ru riwato no kalo makaguut riso.