JAKUBUS 1:26 - Tanou Moonsoi Timugon

²⁶ Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.

JAKUBUS 1:26 Iomraidhean Croise

AYUP 15:13

saboi sumangit kou ri Aki Kapuuno' am manggal Riso?

AYUP 30:11

Sabap no ra i Aki Kapuuno' nampalawo noyo raki' am kalo maikang, ginabu' nilo aku ra ngaangai' kalaatan.

MAZMUR 141:3

Iou Tuhan, oroto' noyo kabang kutu, am alungi' bibil kutu.

MAZMUR 32:9

Pai' sasambungon koson ra kuda kapoam baghal, ondo' butatanin ra kalat am kakangin koson mangimaya' ra ralaaton.”

MAZMUR 34:13

Masaga' kau kia sumia' ra bayag? Masaga' kau kia makaumur ra maawar am bayag ra maansukan?

AMSAL 10:19

Masuang poyo raguon, maaru' mangkinibit ra masuang tula. Ulun mapintar totomolon ayuk ra mindagu.

AMSAL 10:31

Ulun mabanis mindagu ra ragu-ragu mapintar, kaa' kabang ru ulun malaat pakimuton.

AMSAL 14:12

Ralan ondo' kinara' ra moonsoi no pupus nano tumingkuang ra kapatayan.

AMSAL 15:2

Ragu-ragu ru ulun mapintar mambaal ra katutunan mamunduk ra guang, kaa' ragu-ragu ru ulun sasambungon jajajou ayuk.

AMSAL 16:10

Raja' mangapu ra kuasa' intor ri Aki Kapuuno'; am ginio ra pamatasan ru raja' masalok motopot.

AMSAL 16:25

Ralan ondo' kinara' ra moonsoi no pupus nali tumingkuang ra kapatayan.

AMSAL 19:1

Moonsoi poyo ulun musikin ra mabanis guang, kaa' ulun sasambungon ondo' malilimbau.

AMSAL 21:26

Karaan nano kasagaan nano ayuk; kaa' ulun gumagaya' ri Aki Kapuuno' makapanaak saboi malabaan.

JISAYA 1:13

Banangan min ayuk magibit ra taak mino. Jumool painawan kuno makaalok ra kaminyan ondo' solobon mino. Kalo boo matipagilong Aku ra akau mangiantak ra Sila' Bagu, orou Sabat am pantutuuman min ralalom sambayang. Ngaangai' no jinamalan ru tula mino.

JISAYA 44:20

Binaal raginio nogondo' ayuk ra mangakan ra kaau. Pangkaraan nano pinalayau saboi kalo boo makaindangan riso. Kalo mangiou io ra sinungkalalaing ra ginuut nano sala' ka tuhan.

MALIAKI 3:14

Kamin, ‘Kolondo' onong mangandoi ayuk ri Aki Kapuuno'. Atan onong no sumugut ra susuban Nano, kapoam mampakito ra itakau pansagulian guang ra kasalaan takau giu' ra saang ru Tuhan Ondo' Maayo Kaga' Kuasa'?

MATIUS 15:9

Kolondo' onong sumamba ilo Raki', sabap ra ilo mangila' ra susuban ru ulun ayuk, sala' ka pangilaan ri Aki Kapuuno'.’ ”

MARKUS 7:7

Papalo nilo sumamba Raki', sabap ra mangila' ilo ra kaulayan ru ulun, koson ayuk boo ginio pangilaan Kuno.’

LUKAS 8:18

“Ginio ra talinaasi' min noyo atan ondo' norongog mino. Sabap ra osoi mokoondo' noyo, ruangin poyo. Kaa' osoi kolondo' atan-atan, sanganu ayuk pana ondo' indos no soroi riso, alapon poyo.”

1 KORINTUS 15:15

Mulu' poyo amon ru ginio motopot, ilain ayuk koson magabau akai. Sabap ra mampatanou akai no ra i Aki Kapuuno' namayag saguli' ri Kristus intor ra kapatayan. Amon ru motopot ra ulun minatoi kalo bayagon saguli' intor ra kapatayan, i Kristus pana kalo binayag saguli'.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

GALATIA 2:6

Kaa' koson ilo ondo' karaan tingganai ru Kristian, kalo nangulau ilo ra pangilaan kutu. Sotopot no kalo pana nakiiou aku risilo sabap ra itakau ulun ti mogondo' ayuk ra pagilangan ri Aki Kapuuno'.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

GALATIA 3:4

Pangkaraan min kia ra ondo' nailian min i topot-topot kolondo' arati'? Kaa' maaru' ginio mokoondo' ra arati'!

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

IPISUS 5:4

Ginio poyo, kalo moonsoi akau manabit ra ragu makauyuyu', sasambungon, kapoam anja' ra jajajou. Kaa' moonsoi ru mindagu kau ayuk ra paringkuanangan ri Aki Kapuuno'.

SAGULION 11:16

Pai' polosoo' akau palayawon saboi tumalikur intor ra Tuhan, am sumamba am mangandoi ra tuhan-tuhan ra bokon.

KOLOSI 4:6

Kasalok kano makimansunur ra ondo' mampakatasu' am makapamunduk ra guang. Tutun kano ati kulaan tumaam ra matanda' ra atan ayuk pangkuatan ru sasangulun.

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.

JAKUBUS 1:22

Kaa' suguto' min toojo atan ondo' pinabala' noyo ramuyun ri Aki Kapuuno', am sala' ka rongogon ayuk. Sabap ra amon ru koson raginio, akau ayuk galama' miruruung.

JAKUBUS 2:20

Bungas kou nai toojo! Makitulu' kou piboo kia ra kolondo' noyo onong ru pangintapatan, amon ru kolondo' baal ra moonsoi?

1 PITRUS 3:10

Koson tinulisan ra Buuk Kitab; “Osoi ayuk masaga' ra kaansayan am maguyum ayuk ra katasuan ra orou-koorou, moonsoi ru palanggain kabang nano ra kalo mindagu ra malaat am poyo abau.