JAKUBUS 1:21 - Tanou Moonsoi Timugon

²¹ Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

JAKUBUS 1:21 Iomraidhean Croise

MAZMUR 25:9

Tuluin No ulun ondo' minggana' guang no ra ralan motopot, am mangila' risilo ra kasagaan Nano.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

YEHEZKIEL 18:31

Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

JIPANYA 2:3

Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.

MATIUS 5:5

Pakaansuk noyo ulun ondo' minggana' guang, sabap ra makaapu ilo ra ondo' binantu' ri Aki Kapuuno'.

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

RINALATAN 10:33

Ginio sabap ra nampiau aku rirun ra mataki' am naringkuanang akai ra minatong kou ragiti. Raino tumimung akai ra saang ri Aki Kapuuno' koson mangkirongog ra atan ayuk panusuban nano koson pabalaan muno ramon.”

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 11:17

Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi.

ROMA 6:17

Kaa' paringkuanangan ri Aki Kapuuno', sabap ra galing i inulipon kau ru tula, kaa' raino gumagaya' kau toojo ra pangilaan motopot ondo' inapu min.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

IPISUS 1:13

Akau niayuk nasauk noyo ra ulun ri Aki Kapuuno' paat ra akau nokorongog ra tanou ondo' motopot no, ioginio Tanou Moonsoi ondo' nagibit ra pamayagan. Nangintopot kau Riso am tinatanduan kano ri Aki Kapuuno' ra inanian kau ra Ambiluo Nano ondo' binantu' no.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

IPISUS 5:4

Ginio poyo, kalo moonsoi akau manabit ra ragu makauyuyu', sasambungon, kapoam anja' ra jajajou. Kaa' moonsoi ru mindagu kau ayuk ra paringkuanangan ri Aki Kapuuno'.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

TITUS 2:11

Sabap ra nampaintalang noyo i Aki Kapuuno' ra kataawan Nano koson ra pamayagan ru ngaangai' ulun.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

IBRANI 4:2

Sabap ra Tanou Moonsoi no pinabala' noyo ritakau mogondo' ra ulun ra galing i. Kaa' koson risilo, tanou no kolondo' onong, sabap ra paat ra ilo nakaining kalo inapu nilo mabaya' ra pangintapatan.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

JAKUBUS 5:20

karaa' min gitio: Osoi ayuk magibit ra ulun makatula tumalikur intor ra kaayagan nakalayau, makapamayag io ra ulun makatula no intor ra kapatayan am masuang tula pana ampunon.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 1:9

Sabap ra noowot min noyo ampos ru pangintapatan mino, ioginio pamayagan min.

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.