JAKUBUS 1:19 - Tanou Moonsoi Timugon

¹⁹ Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.

JAKUBUS 1:19 Iomraidhean Croise

NIGIMIA 8:18

Moonong orou, intor ra orou kasaa' ru pangiantakan no saboi ra orou pupus, nambasa' i Ijra ra santayaran intor ra Taurat ri Aki Kapuuno' risilo. Nangiantak ilo ra pangiantakan no buoi tulu' ngoorou, am paat ra orou kabalu' nambaal ilo ra upacara kaampusan sumugut ra aturan ru Taurat.

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

NIGIMIA 9:3

Buoi no olo'-olo' talu nganjam, kitab Taurat ru Tuhan, i Aki Kapuuno' nilo binasa' risilo, am buoi talu nganjam ra sumunu' no nangiou ilo ra tula am siminamba ra Tuhan, i Aki Kapuuno' nilo.

AYUP 32:16

Musiti' aku kia marayus maginaa, paat ra ilo mongkoror? Minigor ilo ra giu' no am kalo minindagu ra atan pana.

AMSAL 10:19

Masuang poyo raguon, maaru' mangkinibit ra masuang tula. Ulun mapintar totomolon ayuk ra mindagu.

AMSAL 13:3

Ulun mindagu ra totomolon ayuk, mangampin ra inan galama'. Ulun mindagu ra jajajou, maninduol ra inan galama'.

AMSAL 14:17

Ulun ondo' mataki' sumangit namatasan nano sasambungon; ulun mapintar masalok kalinuos ayuk.

AMSAL 14:29

Ulun ra kalinuos ayuk iono mapintar, kaa' ulun ra mataki' sumangit iono sasambungon.

AMSAL 15:18

Ulun mataki' sumangit mapalabui ra pansangaran, kaa' ulun ra mosorot guang maparatong ra pababansayan.

AMSAL 15:2

Ragu-ragu ru ulun mapintar mambaal ra katutunan mamunduk ra guang, kaa' ragu-ragu ru ulun sasambungon jajajou ayuk.

AMSAL 16:32

Moonsoi poyo oroton guang ka mangunguasa'. Moonsoi poyo matutunan ru ulun mongorot ra guang ka manguasa' ra titikop ru bandar.

AMSAL 17:14

Talimpuun ru pansangaran koson ra sansag lumata'; ampangi' min pansangaran ra kalo poyo makatalimpuun.

AMSAL 17:27

Ulun masuang katutunan kalo masuang ragu. Ulun mapintar kalinuos ayuk.

AMSAL 18:13

Ulun ra tumaam ra kalo poyo mangkirongog, sala' ka sasambungon ayuk kaa' mampakauyu' ra inan nano galama'.

AMSAL 18:21

Ragu-ragu ra paabuson makakuasa' koson mamayag kapoam mamuso. Ulun musiti' makatutun sumonor ragu-ragu nilo.

AMSAL 19:11

Ulun mapintar mokoorot ra sangit. Omporon ilo sabap ra mangampun ra sala ru ulun bokon no risilo.

AMSAL 19:19

Polosoon noyo ulun ondo' mataki' sumangit makaliman ra kinibit nano. Amon ru mangindangan kau ra ulun no igondo', musiti' indanganon min poyo.

AMSAL 21:23

Ilalain ra mindagu maa' raginio kalo malumpa' ru kapaganan.

AMSAL 25:28

Ulun ra kalo mokoorot ra guang koson ayuk ra bandar ra kolondo' kubu am matasu' bulunsaron ru pantula'.

AMSAL 29:20

Maayo poyo kalansanan ru ulun sasambungon ka ulun ondo' mindagu ra kalo mangkara' galing.

UNTABAN 22:27

Raino ti, paat ra kaladai no nakakito ra malaikat ru Tuhan, gabaa' ru kaladai no inan. Siminangit i Biliam am linamba' no boo kaladai no ra jujuga' nano.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MARKUS 12:37

I raja' Daut galama' nampiau Riso ‘Tuhan’. Ati kulaan Mamamayag ondo' sinusub ri Aki Kapuuno' no masauk ra papag ru raja' Daut?” Ulun masuang maansayan mangkirongog ra pangilaan ri Jisus.

MARKUS 2:2

Ratong boo ulun kumuriulu-ulu saboi kolondo' intok ngaangai' ru kulobon pana. Bubuat Nano mampasaboi ra Tanou Moonsoi risilo,

LUKAS 15:1

Paat ra sangarawan, ulun mampalulur ra cukai am ulun ondo' karaan ra malaat minongoi pangkirongog ri Jisus.

LUKAS 19:48

Kaa' kalo naalap nilo kapatoi, sabap ra ngaangai' ulun nabunduk toojo am mapirot mangkirongog ra raguon nano.

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 10:33

Ginio sabap ra nampiau aku rirun ra mataki' am naringkuanang akai ra minatong kou ragiti. Raino tumimung akai ra saang ri Aki Kapuuno' koson mangkirongog ra atan ayuk panusuban nano koson pabalaan muno ramon.”

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

IPISUS 4:26

Amon ru sumangit kau, pai' polosoo' sangit mino mangkinibit ramuyun makatula. Pai' bulii' sangit minti suku' ra talapan ru orou.

IPISUS 4:31

Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

KOLOSI 3:8

Kaa' raino inggaluri' min noyo paliso ragitio: masasangit, mataki' malasu' guang, guang masisang, ragu magasab am poyo ragu ondo' makauyuyu' iningon.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

JAKUBUS 1:16

Pabukat kau ngai' ondo' tagamin ku, pai' kano karuung!

JAKUBUS 1:2

Pabukat kau ngai'. Paat ra akau makatuum ra nansalinut pangkinaman, karaa' min gitio koson ra rondo' kaantakan,

JAKUBUS 1:26

Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.

JAKUBUS 2:1

Pabukat kau ngai', pai' min noyo inggio' ulun ra bokon, sabap ra mangintopot kano ri Jisus Kristus, Tuhan ondo' urumaton toojo.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

JAKUBUS 3:10

Mokoondo' pangamparan am poyo pagasaban mingkual intor ra kabang takati. Pabukat kau ngai', ginio kalo noyo moonsoi masauk!

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

JAKUBUS 5:12

Kasaa' toojo, pabukat kau ngai', ioginio: Paat ra makimabantu', pai' kau pagibot koson manabit ra suruga', tana' ti kia, kapoam atan ayuk pana. “Iou” kamin ayuk, amon ru mabaal min, kapoam “Kalo” amon ru kalo mabaal min; maa' raginio kalo maukuman kau ri Aki Kapuuno'.

JAKUBUS 5:19

Pabukat kau ngai', amon ru mokoondo' sangulun intor ramuyun no kalo boo maya' ra pangilaan ri Aki Kapuuno', am ulun bokon boo magibit riso sumaguli',

1 JUANIS 2:21

Tulisin ku gitio ramuyun sala' ka kalo nakaulig kau ra pangilaan motopot ri Aki Kapuuno', kaa' nauligan min noyo am kolondo' abau ra pangilaan ri Aki Kapuuno' ondo' motopot no.