JAKUBUS 1:17 - Tanou Moonsoi Timugon

¹⁷ Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 1:17 Iomraidhean Croise

KASAUKAN 41:16

Taam i Jusup, “Raja' mai ra matulai kaga', sala' ka aku kaa' i Aki Kapuuno' ondo' makapambala' ra arati' ru inupi no ra motopot.”

1 TUNUNG RU BANSA' ISRAIL 22:12

Gama' ru Tuhan, i Aki Kapuuno' muno mangani' rirun ra pangaratian am kapintaran, maa' raginio makapamarinta kou ra Israil sumugut ra Taurat Nano.

1 TUNUNG RU BANSA' ISRAIL 29:19

Anii' noyo anak kutu, i Salomo, gogoton ondo' totopot koson gumagaya' ra ngaangai' susuban Muno am koson mambaal ra baloi sambayangan ondo' ula' no tinampos ku noyo.”

MAZMUR 102:27

Ngaangai' no mapuso, kaa' Okou soroi ayuk; ngaangai' no mapasa' koson ra konoon. Patirin Mu ngaangai' no koson ra bayang lairon; am ngaangai' no mapuso.

MAZMUR 122:6

Pakiasi' noyo koson ra kaansayan ru Jirusalim, “Gama' ulun ondo' motogom rirun no lumangkaya'.

MAZMUR 136:7

Sinauk No mato ru orou am bulan; togom Nano mantilayun.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 85:12

Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

AMSAL 2:6

Tuhan noyo manaak ra kapintaran. Katutunan am karatian Io namuun.

JISAYA 28:26

Makapandai io mambaal ra kandoi nano, sabap ri Aki Kapuuno' nangila' riso.

JISAYA 45:7

Aku noyo namangun ra sinda am kalandaman; Aku noyo maparatong ra barakat am karaat. Aku noyo Tuhan ondo' nambaal ra ngaangai' no.

JISAYA 46:10

Intor ra talimpuun pabalaan Ku baal ra orou matong, intor ra galing i maguang Ku atan kasaukan. Ragu Ku: Pamatasan Kuno maaru' masauk, kasagaan Kuno musiti' Ku baalon!

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

UNTABAN 11:25

Tuun boo Tuhan ralalom ru gaun am indagu ri Musa. Inalap ru Tuhan santayaran intor ra kuasa' ondo' tinaakan No noyo ri Musa, am pataako' kuasa' no ra tulu' ngoopor ngaulun tingganai no. Paat ra Ambiluo ru Tuhan timinuun ra rasawat nilo, tumalimpuun ilo mampiau koson ra nabi kaa' kalo nabuoi.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

MATIUS 7:11

Kabalu' pana malaat kau, mapandai kau niayuk mangani' ra moonsoi ra anak mino. Ama' min giu' ra suruga' pana masaga' mangani' ra moonsoi no ramuyun amon ru makitaak kau.

LUKAS 11:13

Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

JUANIS 3:27

Kaa' taam i Juanis, “Kolondo' atan ayuk pana maapu ru sasangulun amon ru kalo i Aki Kapuuno' mangani'.

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

PILIPI 1:29

Sabap ra akau inanian ra kaluagan manguma' ra kaimbalaan sabap ri Kristus am sala' ka mangintopot ayuk Riso.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

IBRANI 13:8

I Jisus Kristus kalo makulau, intor ra galing i, raino am ra sabuoi-buoi no.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 JUANIS 1:5

Gitio noyo tanou ondo' norongog mai intor ra Anak Nano am ondo' posoboyon mai ramuyun, ra i Aki Kapuuno' noyo sinda takau am ralalom Riso kolondo' kalandaman.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”