JAKUBUS 1:12 - Tanou Moonsoi Timugon

¹² Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 1:12 Iomraidhean Croise

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

AYUP 2:10

Taam i Ayup, “Okou mindagu koson ra ulun sasambungon. Paat ri Aki Kapuuno' nangani' ra ondo' moonsoi, inapu takau. Itakau niayuk musiti' mangapu ra ondo' kalo moonsoi.” Kabalu' pana naimbolo' i Ayup, kalo mindagu io ra ragu-ragu ondo' manggal ri Aki Kapuuno'.

AYUP 5:17

Pakaansuk noyo ulun ondo' sinawai ri Aki Kapuuno'! Pai' pangkaus amon ru okou ilaan No.

MAZMUR 11:5

Mangkinam Io ra ulun moonsoi am niayuk ulun malaat; masisang Io kaga' ra ulun ondo' monogom ra kalaatan.

MAZMUR 119:67

Ra kalo poyo ukumin Mu aku, masalok aku manuliar ra panusuban Muno, kaa' ragino ginagaya' ku ragu Muno.

MAZMUR 119:71

Moonsoi noyo ra Okou mangukum raki', maa' raginio makarati' aku ra panusuban Muno.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 5:11

Ukumi' noyo ilo, iou Aki Kapuuno'; polosoo' ilo malumaagan sabap ra ilo galama' nampaguang. Pagiruo' ilo no sabap ra tula nilono masuang kaga' am niayuk giminuor ilo no Rirun.

MAZMUR 94:12

Iou Tuhan, pakaansuk noyo ulun ra inila' Muno, ulun ondo' inila' Muno ra ukum Muno.

KAINGKUALAN 20:6

Kaa' mapakito Aku ra togom Ku ra riribu papag ru ulun ondo' motogom Raki' am gumagaya' ra ukum Kuno.

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

JISAYA 64:4

Kalo igondo' osoi-osoi pana makakito kapoam mangkirongog ra suai intor Rirun, mokoondo' i aki kapuuno' ondo' mambaal ra baal koson raginio ra ulun lumansan riso.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

ROMA 5:4

am kaaratan no iowon ri Aki Kapuuno', am ginio mangani' ritakau ra kalansanan.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

1 KORINTUS 8:3

Kaa' ulun ondo' totopot motogom ri Aki Kapuuno', io ti mauligan ri Aki Kapuuno'.

1 KORINTUS 9:25

Moonong ulun ondo' makaguang maya' ra pagigilayan masimbul, magalung io toojo ra inan nano. Am mongorot io toojo, maa' raginio mokoowot io ra karaun kamanangan ondo' mapuso niayuk ra tauli. Kaa' itakau ti mongorot, maa' raginio mokoowot takau ra karaun kamanangan ondo' mantilayun.

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

2 TIMOTIUS 2:15

Singkotog no toojo ra iowon kou ri Aki Kapuuno' koson sangulun mangangandoi ondo' kalo mauyu' ra baal ru kondoyon nano, kaa' makapangila' toojo ra katapatan intor ri Aki Kapuuno'.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

IBRANI 10:32

Karaa' min noyo ati kulaan min paat ragili ra akau kasaa' nakarati' ra Tanou Moonsoi. Kabalu' pana inimbolo' kau, kaa' timinaan kau.

IBRANI 11:17

Sabap ra pangintapatan noyo, i Abragam nampataak ra anak nali i Isak koson ra rondo' taak simbalui paat ri Aki Kapuuno' nangkinam riso. Nanaak io niayuk ra anak langkuir nano, kabalu' pana binantuan io ri Aki Kapuuno' ra:

IBRANI 12:5

“Nakalilian kano kia ra bala' ri Aki Kapuuno' ra Io minindagu ramuyun koson ra anak Nano? Kon Nano: Anak Ku, guango' min ra akau loposon am ilaan ru Tuhan, am pai' pangkaus amon ru mansawai Io ramuyun.

IBRANI 6:15

Naginaa ayuk i Abragam ra guang mataan, saboi nakaapu io ra atan ondo' binantu' ri Aki Kapuuno' i riso.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

1 PITRUS 3:14

Kaa' amon ru imboloon kau sabap ra mambaal kau ra motopot, pakaansuk kano. Pai' kano kalaa' ra osoi ayuk pana am pai' pagalabo poyo.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

1 JUANIS 4:19

Mokotogom takau sabap ra i Aki Kapuuno' nakapagulu motogom ritakau.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.