JAKUBUS 1:10 - Tanou Moonsoi Timugon

¹⁰ Musiti' no sangulun Kristian ondo' langkaya' makaansuk amon ru paratuon io ri Aki Kapuuno'. Sabap ra pupus no kalangkayaan no mapuso niayuk, mogondo' ra busak ru sakot no molonot.

JAKUBUS 1:10 Iomraidhean Croise

AYUP 14:2

Ulun tumuu' am lumonot koson ra bunga'-bunga' am lumiot koson ra babara'.

MAZMUR 102:11

sabap ra sangit Muno ra bibilak. Kinayang am pinatiran Mu aku.

MAZMUR 103:15

Ulun koson ayuk ra sakot, ondo' tumuu' am mungkalar koson ra busak giu' ra padang.

MAZMUR 37:2

Mataki' ilo mapuso koson ra sakot, am lumonot koson ra sasakot masansam.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

JISAYA 40:6

Norongog bolos ru ulun mampiau, “Pabalaa' noyo tanou ragitio!” “Atan tanou ra musiti' pabalaan kuno?” mangkuot aku. “Pabalaa' noyo ulun koson ayuk ra sakot; koson ilo ayuk ra bunga' ondo' kalo tumaan ra mabuoi.

JISAYA 40:7

Sakot masauk mapua', am bunga' pana lumonot, bulintok ra Tuhan mapasampui ra angin ondo' malasu'. Ulun niayuk nogondo' koson ra sakot.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

MATIUS 6:30

Amon ru koson poyo raginio i Aki Kapuuno' namaramai ra limayak no ra sakot, ondo' mokoondo' ra orou raiti' am susuab solobon ralalom ru rapuan, sala' ka kia ramayon kau toojo ri Aki Kapuuno'? Topot-topot kalo maikang pangintapatan mino!

1 KORINTUS 7:31

Ulun ondo' mangingindapu' ra tana' ti, koson ayuk ra kalo guguangon nilo ginio. Sabap ra pupus no atan ondo' mokoondo' ra tana' ti, mapuso boo!

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

1 JUANIS 2:17

Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.