JAKARIA 3:1 - Tanou Moonsoi Timugon

¹ Ralalom ru pinaintalang ra bokon, nanulu' Tuhan ra Tingganai Maayo Imam Josua raki'. Tingganai Maayo Imam Josua tatanga' minigor ra saang ru malaikat ru Tuhan. Tingganai ru riwato ondo' nakatampos noyo koson manguu' ri Josua, minigor ra sapapa' ri Josua.

JAKARIA 3:1 Iomraidhean Croise

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

1 TUNUNG RU BANSA' ISRAIL 21:1

Masaga' Tingganai ru riwato mantipagon ra ulun ru Israil; ginio boo ra inambi' no Raja' Daut maa' raginio manguntob ra mamagun ru Israil.

2 TUNUNG RU BANSA' ISRAIL 29:11

Akau anak ku ngaangai', pai' no kalibut. Akau no ondo' pinili' ru Tuhan koson monolob ra kaminyan Riso, am niayuk maningganai ra mamagun koson sumamba Riso.”

IJRA 10:18

Gitio noyo suang ru ungkuyon ondo' makaandu' ra bansa' ra bokon: Imam-imam, nakatulis sumugut ra bansa' nano; Bansa' ri Jisua am pabukat-pabukat nano, iono anak-anak ri Jojadak: I Maasiya, Iliijir, Jarib am Gidalia.

IJRA 2:2

Tingganai-tingganai nilo iono i Jirubabil, Jisua, Nigimia, Siraya, Riilaya, Mordikai, Bilsan, Mispar, Bigwai, Rigum am Baana. Gitilo noyo suang ru ulun ru Israil am suang ru ulun intor ra moonong bansa' ondo' siminaguli' intor ra pamatiran: Bansa' Suang ru Ulun

IJRA 5:2

Paat ri Jirubabil anak ri Sialtiil am i Jisua anak ri Jojadak nokorongog ra tanou ru nabi-nabi no, ilo tumalimpuun poyo mambaal ra Baloi ru Tuhan giu' ra Jirusalim. Karuruo ngaulun nabi no pana nangindangan risilo.

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

MAZMUR 109:6

Pasauko' noyo sangulun malaat koson mangakim ra pantula' kuno, am polosoon noyo pantula' no tagion ru pantula' nano galama'.

JIRIMIA 15:19

Taam boo Tuhan, “Amon ru sumaguli' kou, apuon Tokou. Masauk kou poyo ra ulipon Kuno. Amon ru mampatanou kou ra tanou ondo' mokoonong am sala' ka ondo' kolondo' ampos, masauk kou saguli' ra nabi Kuno. Ulun matong poyo rirun, am okou kalo pana mongoi risilo.

YEHEZKIEL 44:11

Iowon ilo mangandoi ra Baloi Kuno am magalung ra kulobon garabang am mambaal ra kandoi giu' ra ralalom Baloi Kuno. Iowon ilo manimbalui ra bibiag ondo' pataakon koson ra taak simbalui koson mapabansuk ra guang Kuno, am koson ra taak intor ra ulun, am musiti' ilo masalok mangindangan ra ulun.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

AGAI 1:1

Paat ra bilor karuo ra pamarintaan ri Darius koson raja' ru Pirsia, paat ra orou kasaa' ra sila' koonom, mindagu Tuhan ondo' pinasaboi galing ra Nabi Agai. Tanou ru Tuhan no posoboyon ri Jirubabil anak ri Sialtiil, gabenor ru Jiuda, am niayuk ra Tingganai Maayo Imam Josua anak ri Jojadak.

AGAI 1:12

Kopongo raginio i Jirubabil am i Josua am niayuk ngaangai' ulun ru Israil ondo' siminaguli' noyo intor ra namatiran giu' ra Babilonia, giminagaya' ra ragu-ragu ri Nabi Agai, ulun sinusub ru Tuhan no. Nambaal ilo ra atan ondo' sinusub ru Tuhan risilo, sabap ra malaa' ilo ra Tuhan.

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

JAKARIA 1:13

Taam Tuhan ra malaikat no ra ragu ondo' mapabansuk ra guang,

JAKARIA 1:19

Nangkuot aku ra malaikat ondo' minindagu raki', “Atan kia arati' ru sangau-sangau no?” Timinaam io, “Sangau-sangau no tatandu' ru kuasa' pamarintaan ru tana' ti ondo' nampatutuliar ra mamagun ru Jiuda, Israil am Jirusalim.”

JAKARIA 1:9

Nangkuot aku riso, “Tuan, atan kia arati' ru ngaangai' kuda ti?” Taam io, “Tuluin tokou ra arati' nano.

JAKARIA 2:3

Aku pana nakakito boo ra malaikat ondo' minindagu raki' no, jiminalai, am rondo' malaikat ra bokon minuma' riso.

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

JAKARIA 4:14

Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

JAKARIA 6:11

Baalo' rondo' karaun intor ra mas am pirok ondo' pinataak nilono, am pasampako' karaun no ra ulu ri Tingganai Maayo Imam i Josua anak ri Jojadak.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

LUKAS 22:31

“Simon, rongogo'! Tingganai ru riwato no iniou noyo mangkinam ramuyun ngaangai' koson ra sangulun mangatap ra bilor.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

1 SAMUIL 6:20

Indagu mamagun ru Bit-Simis, “Osoi kinua' masaga' muma' ra Tuhan Aki Kapuuno' ondo' matulai no? Ati kinua' boo pangataran takau Riso maa' raginio maalur intor ritakau?”