JAKARIA 10:5 - Tanou Moonsoi Timugon

⁵ Mamagun ru Jiuda mamanang koson ra saujor ondo' manginjang-injang ra pantula' ralalom ru losok giu' ra ralan. Mangayou ilo sabap ra Tuhan mabaya' risilo. Kalaan nilo pantula' ondo' mangura' ra kuda.

JAKARIA 10:5 Iomraidhean Croise

2 SAMUIL 22:43

Mangumok aku risilo, saboi ilo masauk koson ra kaau; kikinjangin ku ilo koson ra losok ra ralan.

2 SAMUIL 22:8

Tana' ti pana monontol am mogonggon boo; lonor ru limbowon monontol am mauyog, sabap ra sumangit i Aki Kapuuno'!

2 RAJA'-RAJA' 9:33

Raja' Jigu pana mindagu risilo, “Papatiro' ruandu' no ra ragana'!” Ilo pana nampapatir ra ruandu' no ra ragana' saboi raraa' nano nakatakis ra timbok am ra kukula' ngainan kuda ra giu' no. Jinanjang ru Raja' Jigu no baangkai ri Ijibil ra kuda am kurita' kuda nano,

MAZMUR 18:42

Gumolok ilo ra makiindangan, kaa' kolondo' osoi-osoi pana mangindangan risilo; mampiau ilo ra Tuhan, kaa' kalo tumaam Io risilo.

MAZMUR 20:7

Raino nakapandai aku ra Tuhan nanaak ra kamanangan ra raja' ondo' pinili' Nano; intor ra suruga' Nano ra matulai no nangiou Tuhan ra kitaakon nali. Ralalom kuasa' ru Tuhan, raja' nakaalap ra kamanangan maayo.

MAZMUR 33:16

Namanang raja' sala' ka intor ra saujor nano masuang, namanang saujor sala' ka intor ru ikang.

MAZMUR 44:5

Okou noyo Raja' kuno am i Aki Kapuuno' kuno; inanian Mu ulun Muno ra kamanangan.

MAZMUR 45:3

Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JISAYA 41:12

Uyumon min ulun ondo' manggal ramuyun, kaa' kalo makatuum kau risilo. Ulun ondo' mangayou manggal ramuyun ilo matoi am mapuso.

JISAYA 41:25

Binuir Ku guang ru sangulun intor ra sirangon; kinibitin Ku io mongoi pamulunsar intor ra ralayo. Ngaangai' mangunguasa' kikinjangin no koson ra losok, koson niayuk ra sangulun manukang ra paliuk manginjang-nginjang ra tana' bandulan.

JISAYA 8:9

Pantitimung kano ra malaa', alii ra ngaangai' bansa'! Rongogo' noyo, alii ra intok-intok ra maalur. Tampos kano koson mangayou, kaa' kalaa' kano! Iou, tampos kano, kaa' ra guang malaa'!

YEHEZKIEL 38:15

intor ra intok muno ondo' maalur giu' ra ralayo. Magibit kou ra pulalai mangkuda ondo' maayo am maikang intor ra pagun-pagun ra bokon,

AMOS 2:15

Ulun mamanah kalo tumaan, ulun masimbul ra maribok kalo makapagiru', am ulun mangura' ra kuda kalo makabayag ra inan.

MIKA 5:8

Kalaan ru Israil pantula' nilo am mamuso risilo ngaangai'.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

AGAI 2:22

mamparatu' ra pamarintaan, am manutuk ra kuasa' nilo. Palapiaton Ku kurita'-kurita' kuda am ulun nampaugar no; ngaangai' kuda matoi am ulun-ulun nangura' no mampatoi ra rondo' am bokon.

JAKARIA 12:4

Paat raginio ilaanon Ku ngaangai' kuda, am ulun-ulun nangura' ra kuda masauk ra mantuyang. Alungin Ku mamagun ru Jiuda, kaa' bolowon Ku mato ru kuda ru pantula' nilo.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 14:13

Paat raginio Tuhan mambaal risilo maubong kaga' am malaa' kaga' saboi moonong ulun mamulunsar am mamparakop ra ulun ra sapapa' nano.

JAKARIA 14:3

Kopongo raginio bagu no Tuhan mamulunsar ra bansa'-bansa' no koson ra galing i.

JAKARIA 9:13

Pakayon Ku Jiuda koson ra busur ru ulun tutumula', am Israil koson ra anak panah. Pakayon Ku mamagun ru Sion koson ra ilang, koson mangayou ra ulun ru Junani.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

LUKAS 24:19

Pangkuot i Jisus, “Atan guat nasauk i?” Taam ilo, “Ondo' nasauk ri Jisus ulun ru Nasarit i. Io tupo sangulun nabi. Ngaangai' ragu am baalon Nali kinuasa' ri Aki Kapuuno' am ngaangai' mamagun nangiou Riso.

RINALATAN 18:24

Mokoondo' poyo sangulun ru Jaudi makainggalan i Apolos. Io inanak ra bandar Aliksandria am bagu io ayuk minongoi ra Ipisus. Mapintar io toojo mindagu am niayuk makaintutun toojo ra ragu ru Buuk Kitab.

RINALATAN 7:22

Ilaa' io ra ngaangai' kapandayan ru ulun ru Misir am kasauk io ra sangulun mapintar, koson matanda' toojo ragu am baalon nano.

2 KORINTUS 10:4

Kinandoi mangayou ondo' ibiton mai ra pangayawan, sala' ka intor ra tana' ti, kaa' intor noyo ri Aki Kapuuno' ondo' makakuasa'. Am kinandoi mangayou ti noyo makapamuso ra kinaikang ru pantula'. Mompolonggo' akai ra pantataaman

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

JOSUA 10:14

Iou pana paat ra galing am niayuk intor ra orou raginio, baal raginio kalo igondo' nasauk paat Tuhan siminugut ra kasagaan ru ulun. Paat orou raginio nangayou Tuhan tayar ru ulun ru Israil.

JOSUA 10:42

Kinala ri Josua ngaangai' raja' no am pagun nilo lingono' sabap Tuhan i Aki Kapuuno' ru Israil nangayou tayar ru Israil.

PINAINTALANG 19:17

Kakito ku boo rondo' malaikat minigor ra mato ru orou. Giminolok io ra bolos mosongou ra ngaangai' kanui, “Ibok ongoi akan ra bunsag maayo ondo' pinatampos ri Aki Kapuuno'.

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”