JAKARIA 10:4 - Tanou Moonsoi Timugon

⁴ Mampili' Aku ra ulun manguasa', tingganai am panglima intor ra ilo po ngai' koson mamarinta ra ulun Kuno.

JAKARIA 10:4 Iomraidhean Croise

KASAUKAN 49:24

Kaa' panah ri Jusup mokotog, am kalindu' nano paikangon ri Aki Kapuuno' ri Jakub Ondo' Maayo Kaga' Kuasa', iono Magagalung am Mangampin ra ulun ru Israil.

IJRA 9:8

Kaa' raino, koson ra sangkinolor, Okou iou Tuhan, i Aki Kapuuno' mai, bagu ayuk pakaasi' ramon am nampalabus ra kukula' ngaulun ra gino ngai' mai intor ra pangulipanan, am niayuk nangani' ramon ra kaayagan ondo' mamimio giti ra intok pinaluntuk ti. Nangani' Kou ramon ra kaayagan ondo' bagu.

MAZMUR 118:22

Batu pinatiran ru ulun-ulun mambabaal ra baloi no nasauk boo ra lugu' maatang.

JISAYA 19:13

Tingganai ru Joan am Mimpis sasambungon toojo! Musiti' no tingganayon nilo bansa' raginio, kaa' pinalayau nilo bansa' raginio.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 49:2

Ragu-ragu kuno sinauk No malarom koson ra ilang, am ra kalindu' Nano galama' nanindung Io aku. Sinauk No aku koson ra anak ru panah inasa', am pinauli No ra kobon koson tumampos pakayon.

JISAYA 54:16

“Aku noyo namangun ra ulun manukang ra basi' ondo' manampui ra apui koson manitip ra kinandoi. Aku noyo napasauk ra saujor ondo' mampaguut ra kinandoi mangayou no koson mampatoi.

JIRIMIA 1:18

Okou Jirimia, rongog no! Anggalon kou ru ngaangai' mamagun ru pagun ti, ioginio raja'-raja' ru Jiuda, pagawai-pagawai ru pamarintaan, imam-imam am mamagun. Kaa' paat ra orou raiti' mangani' Aku rirun ra kaikangan koson manggal risilo. Masauk kou koson ra bandar mokoondo' ra kubu, koson ra lugu' basi', am koson ra timbok tambaga'. Kalo makapangala ilo rirun, sabap mabaya' Aku rirun koson manindung rirun. Aku Tuhan, nakaindagu noyo.”

JIRIMIA 51:20

Indagu Tuhan, “Okou Babilonia, koson kou ra amar Kuno am kinandoi pangayou Kuno. Mamakai Aku rirun koson mamuso ra bansa'-bansa',

JAKARIA 9:10

Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”

JAKARIA 9:8

Alungin Ku tana' Kuno am kalo mangiou ra pantula' mansail. Kalo boo polosoon Ku ulun malaat mangimbolo' ra ulun Kuno. Nakito Ku noyo kaimbalaan ru ulun Kuno.”

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

MATIUS 9:38

Pakiasi' kano ra tatangan ru kumoson no maa' raginio manusub io ra ulun mangkumos ra tinanom nano.”

LUKAS 20:17

Ponontong i Jisus risilo am pangkuot, “Atan guat arati' ragu ru Buuk Kitab ragitio? ‘Batu ondo' inimpayan ru manambaloi nasauk noyo ra batu ondo' maatang kaga'.’

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

2 TIMOTIUS 2:4

Sangulun saujor kalo sumiang io mambaal ra kaatangan nano galama' paat ra lakat poyo mangandoi ra saujor, sabap ra masaga' io mapabansuk ra tingganai nano.

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

1 SAMUIL 14:38

Raja' Saul pana mindagu boo ra tingganai-tingganai ru mamagun, “Ibok kau ragiti am tutuno' min noyo atan ra tula ondo' binaal ra orou raiti'.