JAKARIA 10:3 - Tanou Moonsoi Timugon

³ Indagu Tuhan, “Sumangit Aku ra ulun bansa' ra bokon ondo' mamarinta ra ulun Kuno. Ukumin Ku ilo. Mamagun ru Jiuda longgom Kuno, am Aku, Tuhan Ondo' Maayo Kaga' Kuasa' magalung risilo. Masauk ilo ra kuda ru mangayou Kuno ondo' maikang.

JAKARIA 10:3 Iomraidhean Croise

AYUP 39:25

Angus-angus kuda moonong samputin bujung; intor ra maalur maalok no owou ru pangayawan, am morongog no ulun tutumula' gumolok ra manusub.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

AMSAL 21:31

Potomposon nilo kuda koson mongoi pangayou, kaa' Tuhan mangaru' ra mamanang.

RIMBAI PANGAMPARAN 1:9

Alii ra kubayau kuno, okou koson ayuk ra kuda barai ondo' makiungkuyon ra kuda gawayan ondo' mampaguyur ra kurita' sakayan ru raja' ru Misir.

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 24:21

Bulintok nano masuku' paat ra Tuhan mangukum risilo ondo' manguasa' ra limbowon am raja'-raja' ru tana' ti.

JIRIMIA 10:21

Taam aku, “Tingganai takano sasambungon. Kalo makitulu' ilo ra Tuhan. Ginio sabap ra itakau kalo nakasugut, am bansa' takano nakapantuliar ra ati-ati.

JIRIMIA 11:22

Ginio ra, indagu Tuhan Ondo' Maayo Kaga' Kuasa', “Ukumin Ku ilo! Tuu' bagu nilo matoi ralalom ru pangayawan am anak-anak nilo matoi ra bitil.

JIRIMIA 25:12

Mopongo raginio ukumin Ku ulun Babilonia am raja' nilo sabap ra tula nilo. Pusoon Ku pagun ru Babilonia am mompoloso riso malunsai ra sabubuoi no.

JIRIMIA 25:34

Pantangi' no, tingganai kau, akau ondo' nasauk ra magagalung ra ulun Kuno, pantangi' no ra mosongou! Panulaboi no am pagiluluir ra kaau, sabap ra nasaboi noyo paat no ra akau potoyon; simbaluyon kau koson ra domba gawayan.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

YEHEZKIEL 34:11

Indagu Tuhan Raja', “Aku galama' maguyum ra ulun ru Israil, domba-domba Kuno, am magalung risilo,

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

YEHEZKIEL 34:2

“Okou ulun mapandai matoi, ulaso' raja'-raja' ru Israil. Panala' no am posoboyo' atan ondo' paraguon Kuno, Tuhan Raja' risilo, ‘Aibui boo ramuyun, akau magagalung ru Israil. Alungin min ayuk kaatangan min galama' am sala' ka kaatangan ru domba-domba.

DANIL 11:32

Mamparuung raja' am makasugut mangambi' ra guang ru ulun ondo' nangiruan ra ugama no, kaa' ulun maamaya' ri Aki Kapuuno' manggal riso.

JIPANYA 1:8

Indagu Tuhan, “Paat ra orou panimbaluyan no, ukumin Ku tingganai-tingganai, anak-anak ungkuyon ru raja', am ngaangai' ulun ondo' minaya' ra kaulayan ru bansa' ra bokon.

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.

JAKARIA 11:17

Kaulas noyo magagalung ondo' kolondo' onong no! Nangiruan io ra domba sampanon nano. Pangayawan mamupus ra kuasa' nano. Kalindu' nano lumawo am mato pamiris nano moolou.”

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

RUT 1:6

Kopongo raginio nakaining i Naomi ra nambarakat Tuhan ra ulun Nano am nangani' risilo ra ampos ru tinanom ondo' moonsoi. Ginio boo tampos i Naomi koson mangiruan ra Moab nabaya' ra karuruo ngaulun anak mangiwan nano.