JAKARIA 10:2 - Tanou Moonsoi Timugon

² Mangkuot ulun ra sinungkalalaing am ulun mapandai kaga' mangilong, kaa' taam ondo' inapu nilo abau ayuk am ragu kolondo' onong. Mokoondo' ulun ondo' mampaarati' ra inupi, kaa' ragu pinaarati' nilo mampalayau ayuk ramuyun. Simayo ondo' tinaakan nilo pana kolondo' onong. Ginio ra mamagun saugar-ugar koson ra domba ondo' nakalayau. Soroi ilo ralalom kapaganan sabap kolondo' tingganai.

JAKARIA 10:2 Iomraidhean Croise

KASAUKAN 31:19

Paat raginio minongoi i Laban pagungkur ra bulu ru domba-domba nano, am paat raginio noyo tokowo' ri Ragil sinungkalalaing ri Laban no.

1 RAJA'-RAJA' 22:17

Taam i Mika, “Nakito ku saujor ru Israil nantutuliar giu' ra bulur-bulur koson ra pulalai ru domba ondo' kolondo' magagalung. Indagu Tuhan, ‘Ngaangai' ulun ragitio kolondo' tingganai; polosoon noyo ilo muli' ra matanda'.’ ”

AYUP 13:4

Tinauban min sambung min no ra ruung; koson kau ra duktur ondo' kolondo' onong.

AYUP 21:34

Kaa' kuminam kau manimayo raki' ra ragu kolondo' onong, am ngaangai' pataamon min no magabau!”

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

JISAYA 44:9

Ngaangai' ulun ondo' nambaal ra sinungkalalaing no kolondo' onong, am dewa-dewa sinamba nilono pana kolondo' onong. Ilo ondo' sumamba ra dewa-dewa no bolou am kolondo' atan-atan napandayan; ginio ra ilo tinauyu'.

JISAYA 46:5

“Osoi kia pogondoon min Raki'? Mokoondo' kia osoi mokogondo' Raki'?

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 14:13

Aku pana mindagu, “Iou Tuhan Raja', nakapandai Kou ra nabi-nabi nambala' ra mamagun ra kolondo' pangayawan kapoam bitilan, sabap ra nambantu' Kou ra giti ra pagun ti masalok makakaansayan.”

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 23:32

Aku, Tuhan minindagu; rongogo' noyo! Anggalon Ku nabi-nabi ondo' nampasaboi ra inupi ondo' nakai' ra abau. Nantunung ilo ra inupi-inupi am nampalayau ra ulun Kuno ra abau am ragu lumimbau nilo. Kalo nanusub kapoam nangani' ra susuban ra nabi-nabi no. Ilo topot-topot kolondo' onong ra ulun Kuno. Aku, Tuhan, nakaindagu noyo.”

JIRIMIA 27:10

Namparuung ilo ramuyun saboi inibit kau ra maalur intor ra pagun min. Pagiruon Takamin, am mapuso kau.

JIRIMIA 27:14

Pai' rongogo' nabi ondo' manginggalar rirun kumuku' ra raja' ru Babilonia. Mamparuung ilo rirun.

JIRIMIA 27:9

Pai' rongogo' nabi min kapoam osoi pana ondo' manginggalar ramuyun kumuku' ra raja' Babilonia, kabalu' pana mangiou ilo ra makapanala' ra orou tauli, inda' pana ralalom ru inupi, kapoam mampiau ra ambiluo ru ulun minatoi, kapoam kapandayan ra sihir.

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

JIRIMIA 29:8

Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

JIRIMIA 37:19

Ati kia nabi-nabi muli ondo' nanala' ra raja' ru Babilonia kalo mamulunsar rirun am pagun ti?

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 51:23

koson manimbalui ra magagalung am domba sampanon, koson manimbalui ra ulun mamparadu' am kuda nilo, koson mamuso ra panguasa'-panguasa' am pagawai nilo.”

JIRIMIA 6:14

Karaan nilo pilat-pilat ru ulun Kuno koson ra pilat boborok ayuk. Konilo, ‘Ngaangai' no moonsoi am mamaa'.’ Kaa' sotopot no kalo toojo moonsoi am kalo mamaa'.

JIRIMIA 8:11

Karaan nilo ra pilat-pilat ru ulun Kuno koson ra pilat boborok ayuk. Mindagu ilo, ‘Ngaangai' no moonsoi am mamaa'.’ Kaa' ngaangai' no totopot kalo noyo moonsoi am kalo mamaa'.

SULABOI 2:14

Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

YEHEZKIEL 21:21

Minigor raja' ru Babilonia giu' ra sapapa' ru papan tatandu' no, lilisangon ru ralan. Koson mangaru' ra ralan ra ati bayaan nano, inunggung no anak panah nano, nangkuot ra sinungkalalaing nano am nagilong ra angkayau ru bibiag ondo' pinataak koson ra taak simbalui.

YEHEZKIEL 21:29

Pinaintalang ondo' nakito mino kalo motopot. Inala' mino pana totopot magabau. Gugumuor kau am malaat. Orou pangukuman pupus ramuyun mamaar noyo. Ilang manginggulu' ra liog min.

YEHEZKIEL 34:5

Sabap ra kolondo' magagalung, nantutuliar domba-domba no am saamon ru bibiag masigo.

YEHEZKIEL 34:8

Sabap ra Aku, i Aki Kapuuno' ondo' maayag, rongogo' ragu Kuno. Domba-domba Kuno sinaam am pinatoi, am niayuk inakan ru bibiag masigo sabap ra kolondo' magagalung ondo' magalung ra domba-domba no. Akau magagalung Ku kalo mirot maguyum ra domba-domba no. Alungin min kaatangan galama', sala' ka kaatangan ru domba-domba Kuno.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

MIKA 2:12

Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!

JAKARIA 11:17

Kaulas noyo magagalung ondo' kolondo' onong no! Nangiruan io ra domba sampanon nano. Pangayawan mamupus ra kuasa' nano. Kalindu' nano lumawo am mato pamiris nano moolou.”

UNTABAN 27:17

sangulun ondo' makapaningganai risilo paat mangayou. Pai' polosoo' ulun Muno masauk ra pulalai ru domba ondo' kolondo' magagalung.”

MATIUS 9:36

Paat ra Io magilong ra ulun masuang no, makaasi' Io toojo risilo, sabap ra ilo ti mangalaa' am mangalawo koson ra domba kolondo' magagalung.

MARKUS 6:34

Paat ri Jisus masak, kakito No masuang kaga' ulun am makaasi' Io boo risilo, sabap ra ilo koson ra domba kolondo' magagalung. Io pana tumalimpuun boo mangila' risilo ra masuang baal.

SAGULION 13:2

koson mangkimait ramuyun sumamba am mangandoi ra tuhan-tuhan ondo' kalo igondo' kau samba. Kabalu' pana baal ondo' binantu' ru nabi no totopot masauk,

TINGGANAI RU BANSA' 18:14

Kopongo raginio limo ngaulun ondo' nansigo ra pagun giu' ra liliut ru Lais mindagu ra rangan-rangan nilo, “Nakapandai kau kia ra ralalom ru rondo' ra baloi ti mokoondo' rondo' sinungkalalaing intor ra tataun ondo' inangkupan ra pirok? Mokoondo' niayuk kukula' sinungkalalaing ra bokon am rondo' efod. Kinami' karaa' atan ondo' musiti' baalon takau.”