IBRANI 9:3 - Tanou Moonsoi Timugon

³ Am lamin ra ralalom ru kim no, ondo' sinilian ru tabir, ininggalanan ra Intok Matulai Kaga'.

IBRANI 9:3 Iomraidhean Croise

1 RAJA'-RAJA' 6:16

Rondo' lamin ondo' ininggalanan ra Lamin Matulai Kaga' binaal ra tampilon ra talikuron ru Baloi ru Tuhan. 9 ngamito gawar no, am linolot intor ra sulig saboi ra pinuusan no ra papan intor ra tataun sidar.

1 RAJA'-RAJA' 8:6

Kopongo raginio imam-imam nagibit ra Kaban Nabantuan no ra ralalom ru Baloi ru Tuhan, am napabanta' raginio giu' ra Lamin Matulai Kaga', giu' ra ragana' ru sinungkalalaing kirub.

2 TUNUNG RU BANSA' ISRAIL 3:14

Tabir ru Lamin Matulai Kaga' no binaal intor ra konoon linon am konoon-konoon ra bokon ondo' batik no motomou, matanggilung am malia'; tabir no binungaan ra gambar-gambar ru kirub.

KAINGKUALAN 40:21

Pabantaa' no Kaban no ralalom Kim ru Tuhan am patairo' tabir panili ra saang ru Kaban Nabantuan, koson ra nanusuban ru Tuhan riso.

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

JISAYA 25:7

Bulur ragitio, pusoon No nansalinut kapaganan ru guang ondo' masalok malimanan ru ngaangai bansa'.

YEHEZKIEL 41:4

Nanuku' io ra lamin no niayuk; gayo nano 10 ngamito. Kopongo raginio indagu io raki', “Gitio noyo Lamin Matulai Kaga'.”

UNTABAN 4:5

Nanaak Tuhan ri Musa ra panuluan ragitio. Masaboi paat no ra maparulun ra kim, i Arun am anak-anak nano musiti' mumpos ralalom ru Kim ru Tuhan am mangalap ra tabir giu' ra saang ru Kaban Nabantuan. Musiti' nilo taubin Kaban Nabantuan ra tabir no.

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

IBRANI 9:8

Intor raginio, Ambiluo ri Aki Kapuuno' mambala' ritakau ra umpasan mongoi ra Intok Matulai Kaga' ti kalo poyo maukab, paat ra lakat ayuk poyo soroi lamin ra saang ru kim no.