IBRANI 8:5 - Tanou Moonsoi Timugon

⁵ Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

IBRANI 8:5 Iomraidhean Croise

1 TUNUNG RU BANSA' ISRAIL 28:12

Nampataak Raja' Daut ri Salomo ra ngaangai' pelan ondo' ginuang nano, iono pelan ru liliut-liliut am lamin-lamin ra liliut nano, am pelan ru gudang-gudang ru kuliamos ru Baloi ru Tuhan, am niayuk pelan ru gudang-gudang pambulian ra ondo' pinataak ra Tuhan.

1 TUNUNG RU BANSA' ISRAIL 28:19

Kopongo raginio Raja' Daut minindagu, “Ngaangai' no nakasuang ra ralalom ru inatangan ondo' tinulisan sumugut ra panuluan ondo' tinaakan ru Tuhan galama' raki' koson paugaron.”

KAINGKUALAN 25:40

Ilalain mambaal ra ngaangai' no sumugut ra inatang ondo' nanuluan Ku rirun giti ra rasawat ru gunung ti.”

KAINGKUALAN 25:9

Kim no am ngaangai' kuliamos no musiti' baalon maya' ra inatang ondo' tuluin Takamin.”

KAINGKUALAN 26:30

Baalo' noyo ra Kim no maya' ra inatang ondo' nanuluan Kuno rirun rasawat ru gunung ti.

KAINGKUALAN 27:8

Baalo' altar no intor ra papan am tampilon ra ralalom no makaluang-luang, sumugut ra inatang ondo' nanuluan Ku rirun rasawat ru gunung ti.”

UNTABAN 8:4

Tampakan ra lampung no binaal intor ra mas tinuyu', intor ra antulan no saboi ra bunga' ra pinamunga' tampilon ra rasawat, sumugut ra tiluan ondo' pinatulu' ru Tuhan ri Musa.

MATIUS 2:12

Ralalom rondo' inupi, magugulig ra butitin no pinakara' ri Aki Kapuuno' maa' raginio kalo sumaguli' ilo ra raja' Irodis. Ginio ra saguli' ilo ra pagun galama' baya' ra ralan ra bokon.

RINALATAN 7:44

“Kinamatuaan takali mokoondo' ra Kim Sambayangan ondo' nababaya' risilo giu' ra intok masiluk. Kim no binaal maya' ra nanusuban ri Aki Kapuuno' ri Musa, sumugut ra ondo' nanuluan Nano riso i.

KOLOSI 2:17

Ngaangai' aturan no kalo boo pana suguton takau sabap ra nakasimpung takano ri Kristus.

IBRANI 10:1

Ukum ri Musa no koson ra babara' ayuk ru baal giu' ra suruga', kapoam asilan ayuk ru barakat moonsoi ondo' matong ra tauli no. Gumagaya' ra ukum raginio kalo makapangindangan ra ulun ondo' matong ri Aki Kapuuno' masauk ra matanda', kabalu' pana moonong bilor ruli'-ruli' ilo magibit ra taak simbalui.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 13:10

Imam-imam Jaudi ondo' mangandoi ra Kim Sambayangan, kalo makaaya' ritakau mampataak ra taak simbalui koson paringkuanangan ra sambayangan takau.

IBRANI 9:9

Ngaangai' raginio rondo' tatandu' ra atan baalon ri Kristus paat ra raino ti. Atan ayuk taak kapoam taak-taak simbalui ondo' pinataakan ri Aki Kapuuno', kalo noyo nampakatanda' ra guang ru ulun.

JOSUA 22:28

Kuayan mai koson ragitio: amon masauk baal raginio, makaindagu papag mai ra, ‘Ilai' noyo, kinamatuaan mai nambaal rondo' altar koson ra altar ru Tuhan. Altar no sala' ka panalaban ra taak simbalui kapoam mapataak ra taak, kaa' koson tatandu' tayar ru karuo-ruo bala takau.’

PINAINTALANG 15:5

Kopongo raginio, kakito ku Baloi Tuhan giu' ra suruga', naukab am Kim Sambayangan nokosoroi ra ralalom no.