IBRANI 8:2 - Tanou Moonsoi Timugon

² Giu' no mampaugar Io ra kandoi koson ra Tingganai Maayo Imam ra Intok Matulai Kaga', ioginio Kim Sambayangan ra motopot ondo' binaal ru Tuhan am sala' ka ulun.

IBRANI 8:2 Iomraidhean Croise

KAINGKUALAN 25:9

Kim no am ngaangai' kuliamos no musiti' baalon maya' ra inatang ondo' tuluin Takamin.”

KAINGKUALAN 28:1

“Piawo' noyo maayo muno i Arun am anak ungkuyon nano i Nadab, Abigu, Iliajar am i Itamar. Timpokon ilo intor ra popolos ulun ru Israil, maa' raginio mangandoi ilo Raki' koson ra imam.

KAINGKUALAN 28:35

Musiti' bayangon ri Arun sukub no paat ra io mapaugar ra kandoi ru imam. Paat ra io matong ra saang Kuno ra Lamin Pansunuran, kapoam paat ra io mugar intor ra intok no, maining bolos ru lunsing am kalo potoyon io.

KAINGKUALAN 33:7

Sasanggilan ayuk mangkim ulun ru Israil, mangalap i Musa ra Kim am potolorogon no giu' ra liwar ru pangkiman nilo, kalo maalur intor ra pangkiman no. Kim no inggalanin ra Kim ru Tuhan. Osoi ayuk makiila' ra Tuhan mongoi ra Kim no.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

ROMA 15:8

Ginio ra balain takamin, i Kristus siminauk ra mangingindangan ra ulun ru Jaudi koson manulu' risilo ra suguton ri Aki Kapuuno' atan ondo' binantu' Nali ra kinamatuaan nilai.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

IBRANI 10:11

Tukir-tukir orou, moonong imam Jaudi ruli'-ruli' ayuk mampaugar ra kandoi nilono, ioginio magibit ra taak simbalui ondo' ginio am ginio ayuk. Kaa' ginio kalo noyo makapangampun ra tula ru ulun.

IBRANI 10:21

Am i Jisus ti noyo imam maayo kuasa' ondo' maningganai ra ulun ri Aki Kapuuno'.

IBRANI 11:10

Io ti naginaa ra bandar ondo' mantilayun, ioginio intok ondo' inaru' am saukon ri Aki Kapuuno'.

IBRANI 9:1

Nabantuan kasaa' i mokoondo' kaulayan sambayang am mokoondo' niayuk ra Kim Sambayangan ondo' binaal ru ulun.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.