IBRANI 7:2 - Tanou Moonsoi Timugon

² Tatayaro' ri Abragam rapu' ginaau no am mopor piatus pinataak no ri Milkisidik. (Arati' ru inggalan ri Milkisidik no ra kasaa', “Raja' ru Katimpakan”. Am poyo, sabap ra io raja' ru bandar Salim, ondo' arati' no ‘pabansayan ’, ginio ra arati' karuo ru inggalan nano, “Raja' magibit ra pabansayan”.)

IBRANI 7:2 Iomraidhean Croise

KASAUKAN 28:22

Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 TUNUNG RU BANSA' ISRAIL 22:9

Kabalu' pana raginio binantu' No noyo raki'. Ragu Nano, ‘Mokoondo' kou ra sangulun anak ungkuyon, am mamarinta io ra matanda' sabap ra mangindangan Aku riso saboi kolondo' pantula' ondo' mangayou riso. Inggalanin io ri Salomo, sabap paat ra pamarintaan nano, baalon Ku Israil ra moonsoi am mamimio.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

IMAMAT 27:32

Sanginan intor ra moonong mopor ngainan bibiag tinambiag masauk ra Tuhan tatangan. Paat untobon bibiag no, moonong ondo' koopor masauk ra Tuhan tatangan.

MIKA 5:5

Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

UNTABAN 18:21

Indagu Tuhan, “Ngaangai' sampiopor ondo' pataakon ru ulun ru Israil Raki' pataakon Ku ra ulun ru Liwi. Ginio noyo bayaran ru kandoi nilo giu' ra Kim Kuno.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

ROMA 3:26

Kaa' raino kalo boo polosoon No tula ru ulun koson mampakito ra kinabanis ru guang Nano. Ginio mampakito ra i Aki Kapuuno' motopot am mopobonsoi saguli' Io ra moonong ulun ondo' mangintopot ri Jisus.

IBRANI 7:1

Ra galing i, i Milkisidik ti raja' ru bandar Salim am poyo sangulun imam ri Aki Kapuuno' Ondo' Masawat Kaga'. Pakauli' noyo i Abragam intor ra pangayawan ra io nangala ra apat ngaulun raja', inuma' am barakato' io ri Milkisidik ti.

IBRANI 7:3

Kolondo' tinulisan koson ra inggalan ru ama', ina' am kinamatuaan nali kapoam naganakan am niayuk pinatayan nali. Kaa' io ti koson ra Anak ri Aki Kapuuno', ra sumauk io ra imam ra mantilayun.

1 SAMUIL 8:15

Umo am umo ru anggur mino kitaakin ra cukai mopor piatus intor ra ampos no, am paatakon ru raja' ginio ra pagawai-pagawai am pagawai ru saujor ru raja' no.

1 SAMUIL 8:17

Alapon ru raja' no mopor piatus intor ra ngaangai' bibiag tinambiag mino. Mulu' poyo ra akau galama' masauk ra ulipon ru raja' no.