IBRANI 5:2 - Tanou Moonsoi Timugon

² Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.

IBRANI 5:2 Iomraidhean Croise

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

JISAYA 29:24

Ulun sasambungon masaga' migigila' am makapandai, am ilo ondo' masalok mambutok-butok matasu' ilaan.”

JISAYA 30:11

Ongoi ra igig! Pai' akai sawayo'. Kalo masaga' akai mangkirongog intor ri Aki Kapuuno' ru Israil, i Aki Kapuuno' ondo' matulai.”

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

2 KORINTUS 11:30

Amon ru lumimbau aku, moonsoi lumimbau aku ra atan ondo' mampakito ra kalawaan kuno.

2 KORINTUS 12:5

Ulun raginio noyo omporon kuno, kaa' kalo niayuk lumimbau aku, ondo' ak am atan ondo' mampakito ra kalawaan kuno.

GALATIA 4:13

Makara' min poyo kia sabap ra kinibit ra aku narualan ragili, io no kasaa' ra aku nakapampasaboi ra Tanou Moonsoi ramuyun?

IPISUS 4:18

Pangaratian nilo pana molondom. Kalo niayuk nakaliman ilo ra kaayagan ondo' taakin ri Aki Kapuuno', sabap ra kalo masaga' ilo mintutun am mokotog toojo ulu nilo.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

IBRANI 12:13

Parayus kano baya' ra ralan mabanis am pangindangan ra bokon, koson ra ulun pakira' no kalo masilik, kaa' mapali' boo.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 2:18

Am raino makapangindangan Io ra ulun ondo' kinamin, sabap ra Io galama' nakaili' noyo ra kaimbalaan am pangkinaman.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 7:28

Ukum ri Musa mangaru' ra ulun ondo' kalo matanda' masauk ra Tingganai Maayo Imam. Kaa' malupus Ukum ni, nambantu' am nagibot i Aki Kapuuno' ra mampili' Io ra Anak Nano ondo' pinasauk ra kolondo' sala, masauk ra Tingganai Maayo Imam ra sabuoi-buoi no.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

JAKUBUS 5:19

Pabukat kau ngai', amon ru mokoondo' sangulun intor ramuyun no kalo boo maya' ra pangilaan ri Aki Kapuuno', am ulun bokon boo magibit riso sumaguli',

1 PITRUS 2:25

Ragili, koson kau ra domba ondo' timinanggau, kaa' raino inibit kano sumaguli' koson maya' kau ra Magagalung am Mangngampin min.

TINGGANAI RU BANSA' 2:17

Kaa' kalo lioon ru ulun ru Israil tingganai-tingganai no. Kalo giminagaya' ilo ra Tuhan; siminamba ilo ra tuhan ra bokon. Giminagaya' kinamatuaan nilai ra susuban ru Tuhan, kaa' sukor bagu kalo nambaal koson raginio.