IBRANI 4:3 - Tanou Moonsoi Timugon

³ Kaa' itakau ondo' mangintopot, makatangus mabaya' Riso koson ra rinagu Nali: “Masisang saboi nagibot Aku risilo: kalo noyo makasubol ilo ra pagun nilai am tumangus mabaya' Raki'.” Minindagu Io koson raginio kabalu' pana kandoi Nali nopongo noyo intor ra tana' ti biningkal.

IBRANI 4:3 Iomraidhean Croise

KASAUKAN 1:31

I Aki Kapuuno' nagilong ra ngaangai' ondo' sinauk Nano am maansayan kaga' Io. Kopongo molondom, masauk boo susuab. Ginio noyo orou ondo' koonom.

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

KAINGKUALAN 20:11

Buoi onom ngoorou Aku, Tuhan nambaal ra tana' ti, limbowon, raat am ngaangai' ondo' soroi ralalom no, kaa' paat ra orou ra katulu' timinangus Aku. Ginio ra Aku Tuhan mambarakat ra orou Sabat am patimpokon ginio Raki'.

JISAYA 28:12

Tuhan manaak ramuyun ngaangai' ra intok tangusan, kaa' marara' kau mangkirongog Riso.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

MATIUS 13:35

Baalon ri Jisus koson raginio maa' raginio masauk boo ragu ru nabi Jisaya, “Magabig Aku paat ra Aku mangila' risilo; Mambala' Aku risilo ra sauk ondo' kalo napandayan ru ulun intor ra tana' ti binaal.”

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.

IBRANI 3:11

Ginio ra nasisang Aku saboi nagibot risilo: ‘Kalo noyo makasubol ilo ra pagun nilai am tumangus mabaya' Raki'.’ ”

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.