IBRANI 3:1 - Tanou Moonsoi Timugon

¹ Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 3:1 Iomraidhean Croise

MAZMUR 110:4

Nambaal Tuhan ra bantu' am kalo luguton No sagulio' bantu' Nano, “Sabubuoi no okou masauk ra imam, koson ri Milkisidik.”

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

JISAYA 41:20

Ngaangai' ulun pana magilong riso am makapandai ra Aku, Tuhan, ondo' nambaal no. Urioon nilo am mangarati' ra i Aki Kapuuno' ru Israil, Aki Kapuuno' ondo' matulai nambaal no.”

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

YEHEZKIEL 12:3

Ginio ra, okou ulun mapandai matoi, kumoso' kuliamos muno ralalom rondo' kuntil koson ondo' binaal ru sangulun nagiru', am ugar no ra kalo poyo molondom. Polosoo' ulun makakito rirun mangiruan ra bandar am mongoi ra intok ra bokon. Maaru' lair ulun-ulun gumuor no makakito rirun.

YEHEZKIEL 18:28

Nakaliman io ra kasalaan nano am longgo' nambaal ra tula. Ginio ra kalo matoi io kaa' maayag.

AGAI 1:5

Ilai' noyo atan ondo' nasauk ramuyun!

AGAI 2:15

Indagu Tuhan, “Ilai' noyo atan ondo' nasauk noyo ra kalo poyo orou raiti', paat ra Baloi Kuno kalo poyo pinuna'? Ati kulaan kia baal min paat ragili?

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 20:21

Indagu poyo i Jisus risilo, “Kaansayan ramuyun. Koson ri Ama' nanusub Raki', Aku pana manusub ramuyun.”

JUANIS 20:27

Indagu Io boo ri Tomas, “Ilai' noyo kalindu' Kutu am kamaa'! Pakamaa' poyo kalindu' muno ra tiagang Kutu. Sala' ka pagantangan, kaa' pangintopot ayuk!”

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

ROMA 11:17

Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi.

ROMA 15:27

Sala' ka jinajalan ilo raginio, sotopot no ginio musiti' baalon nilo. Sabap ra intor ra ulun ru Jaudi, ulun sala' ka Jaudi nakaapu noyo ra barakat ri Aki Kapuuno'. Ginio kon ra musiti' tupo ulun sala' ka Jaudi mangindangan ra ulun ru Jaudi ra mantayar ra rapu' nilono risilo.

ROMA 15:8

Ginio ra balain takamin, i Kristus siminauk ra mangingindangan ra ulun ru Jaudi koson manulu' risilo ra suguton ri Aki Kapuuno' atan ondo' binantu' Nali ra kinamatuaan nilai.

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

1 KORINTUS 10:17

Sabap ra rondo' ayuk ruti' no, itakau pana masauk ra rondo' inan, kabalu' pana itakau masuang, sabap ra itakau ngaangai' makapagagapu ra rondo' ruti'.

1 KORINTUS 9:23

Ngaangai' ti baalon ku sabap ra kaatangan ru Tanou Moonsoi no, maa' raginio aku pana mabarakat.

2 KORINTUS 1:7

Kalo igondo' akai kaimamang malansan ramuyun; sabap ra nakapandai akai ra kabalu' pana akau maimbolo' pakaaya' ramon, makaapu kau niayuk ra kaindanganan koson ramon.

2 KORINTUS 9:13

Masuang ulun Kristian ra Jirusalim mongompor ri Aki Kapuuno' sabap ra indangan min, am ginio mampakito ati kulaan pampagagayaan min ra Tanou Moonsoi ri Kristus ondo' pabalaan min. Mongompor ilo poyo ri Aki Kapuuno' sabap ra kinataau ru guang min, saboi ruit min tinayar-tayar risilo am poyo ra ngaangai' ulun ra bokon.

IPISUS 3:6

Gitio io ti: Sabap ra Tanou Moonsoi no, ulun sala' ka Jaudi pana mokoowot ra barakat ri Aki Kapuuno' mabaya' ra ulun ru Jaudi. Ilo karuo ti masauk koson ra rondo' inan, koson ulun sala' ka Jaudi pana mokoowot ondo' binantu' ri Aki Kapuuno' mansail ra pasimpungan nilo ri Jisus Kristus.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

PILIPI 3:14

Ginio boo puun ra aku marayus ayuk mompogogot ra taak nangulaan ti, ioginio kaayagan giu' ra suruga'. Am gitio noyo pampiawan ritakau ri Aki Kapuuno' sabap ri Jisus Kristus.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

KOLOSI 1:22

Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

1 TISALONIKA 5:27

Mabaya' ra kuasa' ru Tuhan, kitaakon takamin maa' raginio surat ti pabasaan ra ngaangai' pabukat Kristian.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

2 TISALONIKA 2:14

Sasaban ragitio noyo nampiau Io ramuyun mansail ra Tanou Moonsoi ondo' pinabala' mai ramuyun. Nampiau Io ramuyun koson mokoowot kau ra katulayan ru Tuhan takau, i Jisus Kristus.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

1 TIMOTIUS 6:2

Ulipon ondo' makatuan ra Kristian, pai' min karaa' ra pabukatan min ra Kristian sasaban ra kalo mangurumat ra tuan mino. Kaa' sotopot no, pasingkoton poyo kinoonsoi ru kandoi min risilo, sabap ra tuan ondo' mokoowot ra ampos ru kandoi min, pabukat poyo ra Kristian ondo' tagamin. Musiti' ilaan am pabalaan mu toojo ngaangai' tinulisan kuno rirun.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

2 TIMOTIUS 2:7

Guango' noyo pagabigan kuni, sabap ra Tuhan mangindangan rirun makarati' ra ngaangai' raginio.

IBRANI 10:19

Pabukat kau ngai', ragili malaa' ilo rumampus ra tabir am mumpos ra Intok Matulai Kaga', kaa' raino, mansail ra pinatayan ri Jisus, nangukab Io ra ralan nakabagu am makakau' takau ngai' magindagu ri Aki Kapuuno'.

IBRANI 10:21

Am i Jisus ti noyo imam maayo kuasa' ondo' maningganai ra ulun ri Aki Kapuuno'.

IBRANI 10:23

Ginio ra pirot takano mampaguut ra kalansanan takau, sabap ra totopot suguton ri Aki Kapuuno' atan ondo' binantu' Nali.

IBRANI 13:22

Pabukat kau ngai' ra Kristian, maminson aku po ra posoroto' min noyo pambalaan kutu ra guang pantataan, sabap ra surat kutu ragitio kalo kukula' maawar.

IBRANI 2:11

I Jisus noyo namasau ra ulun intor ra tula nilono, am Io am niayuk ulun pinasau no, rondo' ayuk Ama'. Ginio ra kalo mauyu' i Jisus mangiou risilo ra pabukat Nano.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

IBRANI 6:20

Io noyo nangukab galing ra ralan mongoi ra giu' koson ra suali ritakau. Io nasauk ra Tingganai Maayo Imam ra mantilayun, koson ra imam Milkisidik ra galing i.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 7:28

Ukum ri Musa mangaru' ra ulun ondo' kalo matanda' masauk ra Tingganai Maayo Imam. Kaa' malupus Ukum ni, nambantu' am nagibot i Aki Kapuuno' ra mampili' Io ra Anak Nano ondo' pinasauk ra kolondo' sala, masauk ra Tingganai Maayo Imam ra sabuoi-buoi no.

IBRANI 9:11

Kaa' i Kristus nakaratong noyo koson ra Tingganai Maayo Imam am nangindangan ra ulun ra minumpos Io ra kim giu' ra suruga', ondo' gitio matulai am moonsoi poyo intor ra ondo' binaal ru ulun ragili.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 3:5

Sabap ra galing i ruandu' mangapasau guang ondo' liminansan ri Aki Kapuuno', kataluran nilo ioginio ra giminagaya' ilo ra ralaki nilai.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.