IBRANI 2:4 - Tanou Moonsoi Timugon

⁴ Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.

IBRANI 2:4 Iomraidhean Croise

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

MARKUS 16:20

Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.] [

MARKUS 6:14

Norongog noyo ru raja' Irodis ngaangai' ondo' nasauk, sabap ra inggalan ri Jisus nauligan ru ngaangai' ulun. Mokoondo' mindagu; “I Juanis Mampariu' naayag saguli'! Ginio sabap ra Io mokoondo' ra kuasa' mambaal ra kaimuagan.”

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

JUANIS 4:48

Kaa' indagu i Jisus riso, “Kalo mangintopot kau amon ru kalo makakito kau ra tatandu' am kaimuagan.”

RINALATAN 14:3

Rasul-rasul nabuoi niayuk minayan ra giu' i am makakau' ilo boo mampasaboi ra tanou intor ra Tuhan. Nampainono' Tuhan ra pambalaan nilo intor ra togom Nano motopot ra mangani' risilo ra kuasa' mambaal ra kaimuagan am tatandu'.

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 5:32

Akai no sasi' ra ngaangai' raginio – akai am Ambiluo ri Aki Kapuuno' niayuk, ondo' pataakon ri Aki Kapuuno' ra ulun ondo' gumagaya' Riso.”

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 1:9

Itakau noyo napaintalangan no ra ondo' kalo igondo' pinabala', ioginio inatang no kalalair i, koson ralalom ri Kristus ginio pinongo.

IPISUS 4:7

Itakau sigagama' inanian ra kapandayan maya' ra kataawan ri Kristus.

IBRANI 6:4

Itakau musiti' sumingkot, sabap ra ulun ondo' lumugut intor ri Kristus, kalo boo lair makatalikur saguli' Riso. Ilo ti nakatutun noyo ra pambalaan intor ri Aki Kapuuno', am nakaili' ilo no ra taak intor ra suruga' am poyo nakaapu am kinuasa' ilo ru Ambiluo ri Aki Kapuuno'.