ESTER 9:5 - Tanou Moonsoi Timugon

⁵ Ginio ra ulun ru Jaudi makapambaal ra atan ayuk ra pantula' nilo. Namulunsar ulun ru Jaudi ra ilang am niayuk namatoi risilo.

ESTER 9:5 Iomraidhean Croise

NIGIMIA 9:24

Inayanan nilo pagun ru Kanaan; kinala Mu mamagun ru pagun raginio. Nangani' Kou ra ulun Muno ra kuasa' koson pamakuan ra mamagun am raja'-raja' ru Kanaan maya' ra kasagaan ru guang.

ESTER 3:13

Susuban no mataki' inataran ru ulun-ulun sinusub ra moonong wilayah ru pamarintaan. Suang ru susuban no nambala' ra ralalom songorou, iono paat ra orou koopor am talu ru sila' Adar, ngaangai' ulun ru Jaudi, matutuo am mamulok, ruandu' am lalaing, musiti' potoyon ra kalo makaasi', am rapu' nilo gaawon.

ESTER 8:11

Surat-surat no mangiou ra ulun ru Jaudi giu' ra moonong bandar koson magisaung ra inan. Amon ru ilo, andu' am anak nilo bulunsaron giu' ra wilayah ra ati pana ru ulun makakinandoi intor ra bansa' ru atan pana, iniou ilo manggal am mamuso ra pantula' no. Iniou ilo mamatoi ra pantula' saboi makai' am niayuk mampagaau ra rapu' ru pantula' no.

ESTER 9:6

Giu' ra Susan ayuk, giu' ra pusor bandar no, namatoi ulun ru Jaudi suang 500 ngaulun.

MAZMUR 92:12

Makito ku pantula' kuno maala, am makaining ra golok ru ulun malaat ondo' mangayou raki'.

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

2 TISALONIKA 1:6

Mabanis baalon ri Aki Kapuuno'. Mambalos Io ra ulun ondo' mangimbolo' ramuyun no.