ESTER 8:9 - Tanou Moonsoi Timugon

⁹ Baal raginio nasauk paat ra orou karuo ngoopor am talu ra sila' katalu, iono sila' Siwan. Piniau ri Mordikai ngaangai' mamamatik ru raja' am nanusub risilo manulis ra surat ra ulun ru Jaudi, gabenor-gabenor, pagawai ru pamarintaan am tingganai giu' ra titikop ru 127 wilayah ru pamarintaan no, intor ra India saboi ra Itiopia. Surat-surat no tinulisan posoboyon ra moonong wilayah ralalom ragu am tulisan ru sigagama'. Io niayuk nangator ra surat ra ulun ru Jaudi ralalom ragu am tulisan ru Jaudi.

ESTER 8:9 Iomraidhean Croise

2 RAJA'-RAJA' 18:26

I Iliakim, i Sibna am i Joa pana mindagu boo ra pagawai no, “Tuan, indagu ramon ra ragu ru Aram. Pai' indagu ra ragu ru Ibrani. Ngaangai' ru ulun giu' ra rasawat ru timbok no makarati'.”

2 TUNUNG RU BANSA' ISRAIL 15:10

Ilo ngaangai' natimung giu' ra Jirusalim am paat ra sila' katalu ra bilor koopor am limo ra pamarintaan ru Raja' Asa.

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

ESTER 1:22

Nangator raja' ra surat susuban ra ngaangai' wilayah giu' ra ralalom ru pamarintaan nano, ralalom ru moonong ragu am tulisan giu' ra wilayah raginio. Susuban no mindagu ra ralalom ru moonong sambaloi, ralaki noyo ondo' musiti' masauk ra tingganai, am ondo' iowon mangani' ra pamatasan.

ESTER 10:1

Raja' Agaswiros nambaal ra kandoi-kandoi pajajalon ra mamagun giu' ra libung-libung ru nagas am niayuk giu' ra libung-libung ra asak giu' ra ralalom ru pamarintaan nano.

DANIL 4:1

Nangator Raja' Nibukadnijar ra papatanawan ragitio ra ulun intor ra ngaangai' bansa' am ragu ra titikop ru tana' ti: “Kaansayan!

DANIL 6:1

Kopongo Raja' Bilsyajar pinatoi, Raja' Darius ulun ru Midia, ondo' bulintok raginio umur no onom ngoopor am ruo ngambilor, nampagaau ra kurisi' pamarintaan ru Babilonia.

DANIL 6:25

Kopongo raginio nanusub raja' maa' raginio ngaangai' ulun ondo' nanguu' ri Danil, patirin ra ralalom ru luang batu ru singa' no pabayaan ra anak andu' nilo. Kalo poyo naratu' ilo intor ra lonor ru luang batu no, singa'-singa' no nansaam noyo risilo am namandak-mandak ra bungul nilo.